Dr. Cing Pum Neam Operation vai (Update 27 Nov)

Dr. Cing Pum Neam Operation vai (Update 27 Nov)

Zomipih kong it u le nau nu le pa, Ka nau Cingkok damlohna pan hong damkikna dingin nong panpihna uh tampite huhau in nakpiin lungdamna kong ko hi Nov 18 niin Bangkok zato ah ki at a hoih takin ki lawhcing hi.

Pumpi hatna ding leh damsiangna dingin Nov 28 ni pan kipan Dec 4 kikal sungin siavuante 5 in hong veelthua lai ding hi.

Thungetna ahi zongin thungetna bek hilo nong vehnate uh ka tel ciangin ka innkuan un ka lungdamna kam a gen zawhloh dingin tampi om hi.

Mailam kalsuannazia dingte ah zong abeisa a nong donna uh leh nong thungetsaknate uh leh nong vehnate uh huhau in Pasian in hong nusia loin damna hong pia ding hi cih lametna ka nei hi.

Mimal tuamtuam tungah kong thukkik zawloh ding nong bawl uh thuphate a nungta ih biak in Topa Pasian in Ama vanglian khuttawh hong makaih in thupha hong pia ta hen.

Rev Nang Khen Khup
Church Pastor
Lawibual Tuiphum Pawlpi
Tedim
Cum
President
Tedim Baptist Convention
Tedim
Tawmvei Bangkok

Dr. Cing Pum Neam Operation ki bawltading (Update 19 Nov)

Kong it Zomipihte
Kanau Dr. Cingkok damlohna huhau in nong panpihna uh namtuam tuam mimal tampi tung panin ka ngah a. lungdamna lianpi kong pulak hi.

A kuama tek thungetna le panpihna tampite huhauin Pasian hong lamlahna tampi ka ngah uha, Nov 18 niin ki atna deihhuaitakin Bangkok Ramathibodi zatopi ah ki zosiang ta hi.

Tampi hong hoihto han han hi.

Hici bang hong pianna ahang pen Pasian maileh mipite mai ah bangmah ginalopi mipihte in Pasian na itna uh huhau in ka saan uh thupha ahih manin Pasian tung leh mipite tungah ka lungdamna uh kong theisak hi.

Nang Khen Khup
Dr. ‘Cingkok upa
Bangkok zato

Laizom teng, U Ning Khan tung pan kazakna ah Dr. Cingkok ki-at na ( operation) pen Topa’n ih thungetna te hong dawng ahih manin bangmah buainna omlo in nuamtak in mansiangtheita hi. Siavuan te mahmah in zong lamdang asak zahding khopin in Topa’ ompihna kilang a, asiahuai bangmah omlo cih mukhia uh hi.

Dr. Cingkok zong khuaphawkkik in kihopih theihta cih hong gen hi. Siamahnu’ sanggam tengin ih thungetna hong dawng ih Topa’ tung leh huhna hong pia teng, thungetna hong neihsak Zomi akuamapeuh tungah lungdamna lianpi hongko uh hi.

Dr. Cingkok damsiangtho in zato pan innlam ong zuat dong thu ong ngetpih lai un cih, lungdam ko kawmin huhna hong ngen uh hi. Lungdam.

Dr. Cingkok sanggam teng tangin,

Thawng Khua Kai

Siama Cing Pum Neam pen Bangkok, Thailand ah zingciang 18 November 2014 zingsang 08:00am in Operation kibawl tading cih kiza ahih manin, thungetna ah phawkciat ni.

It le ngaih teng,
Sianu vehna ah a kihelnuam tampi in phone nongset man un lungdam mahmah ing.
Kawlgam ah sumkhak danding hongdong pawlkhat om ahihman in anuai a dan in kithuza ni. a dang a lemzaw ding lampi a om leh hong zasak lai un:

1. Nakhak nopzah uh honggen unla,
2. Pawlpi Sia te na ap un.
3. Friday niciang in nonggen zahzah uh Sia Khup napia ning.
4. Gamdang panzong a lem nak le hongkhak un. A maungah hamtang nading in navaihawm ning.
5. Kei mahmah na inn uah kongpai ding hi.

A sumpen November 9 (Sunday) or a lemkhat ciang hong kaikhop kik ning.
Sia Khup Nov 8 paiding ahihman in puasak pah nuam ihhih man hi.

Tu a kong at laitak kawlsum thein khat (100,000) ngahta hihang cihzong hongthei sak ing.

Note tawh,
Go Cin Zam (zambawi)
ph: 095171312
[email protected]

Ih zaksa mahbang in Dr. Cing Pum Neam pen Thai gamsung ah zatolum in aomlaitak hi a, damsiang theinailo hi. Sia Kai tungtawn in akizakna ah Operation bawlkul khadingci ahih manin, Dr. Cing Pum Neam adingin thungetna ah phawkciatni cih kongzawn uhhi. ZD Sawltak

Siamah. Cingkok’ ( Dr. Cing Pum Neam ) zato kahna vai ih zaksa tek mah bangin tawmkhat ong behlamnuam ing.

Siamahnu pen akuamapeuh thungetsakna hangin tampitak nuamtuam zawta cih ih zaksa tek hi. Dendeuh in USA aom, U Vung ( Ning Khan ), Siamah Cingkok u nu tawh kakiho leh zato ah ki at ding cih lunggulhna leh gelna aneih lam uh ong gen hi. Zato ah ki at ( operation ) bawl nading in sum tampitak beituak ahih manin Zomi U leh nau akuamatek in ih veh nopkhak leh cih natawh vehna sum khaktheih nading mun hih anuai abangin ong zasak ing.

Thailand ah akhaknuam te ading in:
1). Siamah. Cingkok ( Dr. Cing Pum Neam )… Ph. 66 + 9922 46735
2). Lia. Huai Deih Cing ( Pa. Lian Khan Pau, Siamah. Cingkok upa’ tanu ).. Ph. 66 + 9487 85911 USA ah akhaknuam te ading in:
3). U. Ning Khan Vung ( Siamah.Cingkok upi nu, Florida, USA )… Ph.. 1 + 904 7131 789

Lungdam, Thawng Khua Kai