Donald Trump in President asepzawh khakhatsung in nasep 235,000 kibehlap

Donald Trump in President asepzawh khakhatsung in nasep 235,000 kibehlap

President Donald Trump in US gamsung ah President asepzawh khakhatsung in U.S. Economy ah nasep 235,000 ki behlap hi ci’n Labor Department in Friday ni in genkhia cih CNN pan kiza hi. Hihpen February khakhatsung bekbekin nasep akibehlap ahihi.

Nasep neilo “Unemployment Rate” zong abeisa January khasung sangin 4.8% panin 4.7% ah kiamsuktuam cihi. Nasepnei khang ahih amanin, nasemlo in amawk om tawmtuam cihna ahihi. Abeisa 2009 kum hunlai in Financial Crisis ki phukha ngei a, tuahunlai in nasep neilo “Unemployment Rate” pen 10% tak ahihi. Tua hunlaitak tehkakna in nakpitak in nasemlo tawmtuam mahmahta hi.

Foreign Exchange Firm khat ahi “World First” kici Company panin Cheif Economist Jeremy Cook in agenkhiatna ah U.S. Economy pen tulian laitakin nak hoihkhialua mahmah hi ci’n genkhia hi.

President Donald Trump in hongtungding kum 10 sungin US gamsung ah nasep bekbek 25 Million Jobs ki behlap sakding cih akamciam hi a, Economists pawlkhat inbel tua lungtup pen atangtun nading hamsa mahmah khading ci uhhi.

Ahi zongin President asepkhitzawh amasa khakhatpen akamciamsa ommahbang in lungkimhuai mahmah hi.

Abeisa nungkumsung in President Obama hunlai in Average khakhatsung nasepthak akibehlap pen 190,000 khawngbek ahihi. Tuatawh tehkak ciangin Donald Trump in khakhat aseppaksung bekinzong nasep 235,000 bang ki behlapsakthei ahih manin, lungkimhuai kisa mahmah hi.

February kha khakhatsung bekbek in Manufacturing Job pen 28,000 ki behlah hi. Donald Trump in Manufacturing Job pen hihsangin tampi ki behlapsak zawlaiding kamciam pialai kici hi. Construction Campany te ahzong February khakhatsung in nasep 58,000 kibehlap hi.

Ahi zongin February khasung in Retail Sector te nasep hoihmello hi. Major Retailers tuamtuam lakapn in JCPenney cihtepawl in Store tampi khakcip uh ahih manin February khasung in Retail Sector pan mi 26,000 in nasep tanlawh uh cihi. ZD Sawltak #zomidaily