Malaysia gamsung Damansara Sprint Highway tung aom Toll Gate khatah pasal khat a mawtaw khawlsak in, a ihmut laitak mawtaw meikang ahih manin ahawlpa zong sihlawhpah cihthu The Sun Daily in genkhia hi.
Petaling Jaya police chief ACP Mohd Zani Che Din ii genkhiatna ah Toll Plaza nasem khat ii muhna ah hihpa pen 29 March zingsang 4am pawlin Touch ‘n Go alutphei nading ah ama mawtaw khawlsak cihi.
Tuakhit ciangin pusuak khiakik a, amai ahawlpa tutna ii alanglam ah tuphei in, a mawtaw aset khawlsaklo in lumsuk cihi. Hihpa pen zu ahih keileh khamtheih guihtheih khatpeuh zangsa hiding in ki ummawh hi.
Toll Gate ah nasem te’nzong hihpa omdan amanlohlam atheih ciangin a mawtaw gei ah pai uh a, aphotphot uhhang in phozolo uhhi. A mawtaw kongkhak te asungpan kalhcip sawnsawn ahih manin, bnagmah cihtheilo uhhi.
Tuakhit nai 1 khitkhawng ciangin tua mawtaw pen mei hongkang a, asung aom mawtaw hawlpa zong kangkhawm in sisuak ziau hi.
Kumpi thunei te’n mawtaw ii a Registration Number tawh akankhiat uhciang in hih mawtaw pen Perak State pan mikhat ii mintawh aki Register ahihlam theikhia uhhi.
Kumpi thunei te’n asi mipa kuahiam cih kankhiatsan uh cihthu kiza hi. ZD Sawltak #zomidaily
Comment piaknop aomleh...