Dahpihna thupuak ~ Tg. Go Dim Thang

Date: March 05, 2016
Tulai tak a USA gam sung North Carolina state, Charlotte khuapi a teng Pa Go Khan Thang leh Nu Khup Sian Vung te’n Pasian thupha nau khat nei in, a hizongin kamsiatna tawh a nu gil sung pan kha (5) leh a lang khit tak teh nauno cidam lohna hangin zato ten lakhiat sak uhhi.

Naupangno min in Tg. Go Dim Thang hi a, a nu sung pan a ki lak khiat zawh nai khat khit, March 02,2016 nitak lam nai 5:30PM ciangin hong sih san cih i zak ciangin Zomi Innkuan USA in i dahpih mahmah hi.

Tg. Go Dim Thang pen leitung misi ngeina zui in han mual ah kivui ding a, Zomi Innkuan Charlotte, NC in thu leh la, sum le paii bei te a kisapna zui in van pih ding cih i zak man in lungkhamna pan i lung sim hong dawn zang tuam hi. Tg. Go Dim Thang pen leitung ngeina tawh March 05, 2016 ni in hanmual ah kivui ding hi.

Tg. Go Dim Thang in i biak Pasian kiang hong ciahsan ta a hih manin a dah a kap sanggam u le nau, nu le pa leh inn sung dongta khempeuh tungah hehnem siampa Khasiangtho in hehnepna hong piak ta sak ta hen!

Executive Committee
Zomi Innkuan USA
U.S.A