USA gam, Indian State , Indianpolis khuapi a teng Tg. Cin Suan Tuang Kum 36 (ThangUm beh) in abeisa January 08, 2017 ni lametloh laitak in Itmu paisuak natna tawh atenna innphualzang panin mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.
Tg. Cin Suan Tuang pen Zogam, Haupi khuami, Tedim khuapi, Sakollam veng a teng Pa Khup Suan Pau leh Nu Ning Ngaih Vung ten Ta numei 4 leh Tapasal khat aneihna sungah a mahpen a tapasal khat neihsun uh ahihi. Leitung kivaakna, sumzon paaizonna a nuamzawding lunggulhna tawh a beisa 2012 kum in USA ong tung ahihi. Ta pasal khat neihsun, unau Pasal khat neihsun Innkuansung nuntakna ding a vaanpi pen, azong pipen khatin hicibanga mual ongliamsan mawkpen pammaihsa in I dipngek ongnasak mahmah hi.
Tg.Tuangpu pen USA leitang tunga ong nusia Zomi unau khat hihna lahna in Zomi Innkuan USA kipawlna in Paakkual khattawh Mangpha khakna kinei ding hi.
Isanggampa Tuangpu tawh a nunungpen hunzatkhopding pen ongtungding January 14, 2017 (Saturday) ni 11:00AM ~ 12PM kikal sung 7602 Madison Ave, Indianapolis, IN 46227 ah luanghawm etna/ Visiting hun hiding 12PM ~ 1:45PM hunin tua munmahah Calvary Zomi Baptist Church (CZBC) pawlpite makaihna tawh a nunungpen hehnep hunbawlna kinei ding hi. tuakhitciangin 5235 S Meridian St, Indianpolis, IN 46227 ah daitansakna/Vuina kineidinghi.
Isanggampa Tuangpu ongnusiatna hanga adah akap, alunglengkhuangai Pianna nu leh Pa, pianpih sanggam laizomteng leh khuapihtuipih tanaumeltheih akuamapeuh tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.
Dahpihna lianpitawh,
Executive Committee
Zomi Innkuan USA, Inc.
January 13, 2017
Comment piaknop aomleh...