C.Virus le S. Korea: Coronavirus hangin a lunghimawh mipite

C.Virus le S. Korea: Coronavirus hangin a lunghimawh mipite

1.C.Virus pen mundangte sangin korea ah a lauhuai zaw hi loin, Korea ten sulzuih pah ciat2 uh a, a test nading van nei uh hi.

2. Mawtaw Car hawlte pen Police ten lampi khakin test ciatciat uh hi.

3. Cidamna lam panin kidalkholh nadingin mipite in muktuam (mask) bulhin, khutsilna tawh minutes 30 hal ta khawngin khutsil ding ci uh a, kizui pah lel hi.

3. A muh bangbang uh thuman takin gen khia uh a, tua pen mipite kikepbit nading hi zaw ding a, mundangte sangin tam zaw cih hi lo kha dingin ka um hi. A gen khia lo gamte ah tam zaw lai ding hi (Gentehna China). A sawt loin ong khaktan zo dingin ka um hi.

4. Mipi kimuhkhopnate a tawm thei penin nei ding ci uh a, sang hon hun ding bang kikhinto phot hi. Biakpiakna nangawn a kikhawm lo zong om a, a kikhawm ten zong muktuam bulh phot lel uh hi.

5. 2015 kum in Mers Virus ci-in Saudi Arabia gam panin ong kipanin S. Korea ah 2015 May – July sungin na sia deuhin om ngei khin hi. Hih Mers Virus natna pen 2012 kumin Saudi Arabia gamah kimu ngei khin ci uh hi. Tua hi mah leh a sawt loin ong dal zo kik sam uh hi.

Note: Tutung C. Virus pen a lau huai mahmah a hih leh a nungzuih zo pahpah lo China te ong lim pai mahmah na gam ei kawlgam khawngte adingin lunghihmawh huai sim ding hi.

LST paikhiatna sung a, gimna nam 10 lakah pulnatna thute ong phawksak kikin tua sungah Pasian’ vangliatna hatzaw ahihna zong i phawk kawmin thungen ni. Thang Shalom (Tawmvei Korea)