China ah innsangdawn Stunt kimawlmawl khat 62 Storey pan kia in si
Inntung sangdawnpipi ah alauhuai theithei in gamtat nopasa Chinese pasal khat inndawl 62 Storey panin kiasuk in si cih SCMP pan kiza hi. Tuapa pen kum 26 aphakhin khat hi a, amau kammal zatdanleh “Rooftopping Daredevil” khat ahihi.
China, Hunan province ii Capital khuapi ahi Changsha City sung aom innsangmahmah khat ii adawnpan in akiasuk hi a, akiatsuk laitakzong YouTube leh Social Media tuamtuama h Video ki thehzak in, cikziat huai mahmah hi.
Chinese Police te genkhiatna ah tuapa minpen Wu Yongning ci uh a, Huayuan Centre akici Changsha City sung aom inn asangpenpen “tallest building” ii atungdawn panin Nov 8 ni in akiasuk cihi.
Tua akiasukpa ii a innkuanpih te’n agenna ah “rooftopping challenge” kici sumkitah in akimawl uh ci a, tua innsangdawn ah akahman in 100,000 yuan (S$20,400) piakding ci’n aki kamciam uh cihi. Ahi zongin Mr. Wu Yongning in anuntakna tawh tua sumkitah pen akhek himawk hi ci’n ama Uncle khatin Media te tungah genkhia hi.
Hih Rooftopping Challenge gualzo hileh azingciang in alawmngaihnu “Girlfriend” pen kiteenpih dingin Propose bawlding cih ngimna anei cihi. Mopawi bawlnading leh adamlo ahi anu zatui akibawl nading in sum kisam ahih manin, hih rooftopping challenge ah akihel cihi.
Abeisa in hih Mr. Wu Yongning pen Hunan Province sung aom Ningxiang City sungah film extra asemkhat ahihi. Ahi zongin hih Changsha City ah aciahkik khitciangin Rooftopping pen nasepdan khatin asem ahihi.
Tukum abeisa Februay khasung inzong Chinese Social Media khat ahi Weibo tungah innsangdawn akahna Video te khahkhia in, Follower zong Million khatbang aneikhat ahihi. Tuaban ah Social Media advertisement leh live-streaming platforms te ahzong akihelzel khat ahihi.
Beijing News te genna ah hihpa ii alawmnu Girlfriend in asihlam theikhalo in, inn aciahtheihloh ciangin Police te Phone samin tuapan in athu atheipan cihi. Mr. Wu Yongning pen hihbangin Stunt tuamtuam alah ciangin Safety Equipment bangmah zat neilo ahih manin, tuahang mahtawh asilawh ahihi.
More: Selfie Photo kizaihding in Pi 1400 val asang inndawn ah akahto khangno te
Safety Equipment azatlohlam akidot ciangin Martial Arts Training kaneiden a, tualeh kasepding pen hoihtak in Planning kabawlden hi ci’n Weibo tungtawn in abeisa in genkhia ngei hi. Innsangdawn ah alauhuai Adventure tuamtuam akizaihna Video bekbek 300 valbang Social Media ah adamlai ih khahkhia cih kiza hi. Sawltak #zomidaily
Comment piaknop aomleh...