California ah Warehouse meikang hangin misi 30 cingta

California ah Warehouse meikang hangin misi 30 cingta

Dec. 5, 2016: California state sunga om Oakland sungah warehouse om dawl nih a sang pen Ghost Ship Artists Collective ten electronic dance music party zatna dingin zang uh hi. Hih van sengna mun pen 2330 local time Friday (0730 GMT Saturday) in mei in kang a, tu dong misi 30 kimu ta hi ci-in Alameda County Sheriff’s Department Authorities Sergeant Ray Kelly in pulak hi.

Hih meikat kipatna mun pen a dawl nihna hi a, pai khiatna ding mun (exits) nih bek nei hi. Tu dongin smoke detectors leh a puakthei van kimu nai lo ahih manin a kihal dingin ki-um lo hi ci-in Sergeant Ray Kelly in ci hi. Hutkhiatna nasem leh meiphelh ten inn dawl nihna mun neu cik sungah lut zo pan uh a, mun neucik tuahsiatna tuakte kizong thei pan hi ci-in ulian ten gen uh hi.

Inn dawl a nihna tung kicim in, dawl nihna pawl khat dawl khatna ah kicim suk ahih manin kilut pah thei lo a, inn sungah lut theihna dingin ki-at masa a, beel khai zangin inn cimte kipaai khia in mun neucik kizong thei pan lai hi. Mun neu cik sung a kizon’ theih pat hangin mi si tam kimu mahmah ta hi ci-in Ray Kelly leh Oakland Fire Department battalion chief Melinda Drayton.in gen hi. Melinda Drayton in lim takin a vekin a kizon theihna ding hun sawt la lai mahmah ding hi ci hi.

More: Pope Francis leh AirAsia Company neipa kimuhkhopna neita

Hih van koihna mun katna omna lian pen Oakland sunga Fruitvale district sunga om Bay Area hi a, Oakland mun dangte sangin innsap man tawm zaw ahih manin Latinote tam teng mahmah hi. Sihna tuakte kum 20-30 mi vive hi a, news pawl khatin mi a tawm pen 40 kiim si dingin a upmawh thu gen uh hi. Source: Agencies/Aljazeera/ Thang Khan Lian