Germany ah Cable Car in akhuam phukha in vandawn ah mi 75 awkcip

Germany ah Cable Car in akhuam phukha in vandawn ah mi 75 awkcip

Germany, Cologne Ciy khuasung aom Cable Car khatin akhuam phukha in buaina piang ahih manin vandawn ah mi 75 bang awkcip uh cih BBC pan kiza hi. Hih Cable Car pen Germany, Cologne City, River Rhine kici tuipitung nawkin akibawl ahihi.

Cable Car pawlkhat pen vandawn ah sangvelval mahmah a, asangna Pi 130 (Meter 40) bang aphakna zong om cihi. Cable Car khatin khuam aphutkhak ciangin avekin khawlcip a, atuang khempeuh vandawn ah awkcip uhhi.

Tuaciang in Cologne City aom Fire Crews leh Rescue Teams te’n delhpah uh a, asungah a awkcip Passengers te khautawh damdam in khaisuk in kumpih uhhi.

Aphutkhak hunpen Sunday nitaklam 3:30pm hunpawl hi a, hih buaina apian laitak in Cable Car 32 sungah mi adimin atuang kici hi.

Naupangno pawlkhatzong Cable Car sungah awkcip uh a, bangci aki honkhiadiam cih ki patauman mahmah hi. Ahi zongin anu apa tetawh ki henkhawm in, khautawh damdam in kikhai sukkhawmthei bilbel uhhi.

Hih Cable Car tuahsiatna hangin asi aliam kuamah omlo bilbel cih kiza hi. Ahi zong Guardian te Report bawlna ah nupi naupaai khatleh adang nupi khat tawmciktuak liam uh ci a, ahuaisialua bel cilo hi.

Photo leh Video Clip aki khahkhia pawlkhat ah naupangno tepen anu apa te ii angsung ah kihenkhawm in kikhaisuk uh a, cikziat huai mahmah hi.

Banghang in Cable Car khatin akhuam phukhamawk hiam cihpen kitheician nailo a, thunei te’n kansan uh kici hi.

Video: Passengers left stranded after cable car accident in Cologne

Cable Car akhawlcip ciangin amasapenpen in aki honkhia ahi Martina leh Hans-Peter Rieger te nupa in Guardian te tungah agenna ah amau nupa pen akiteenzawh uh kum 41 Wedding Anniversary abawl uh hi a, tuani phawkna in Cable Car anupa un atuangkhawm uh cihi.

Related: Philippines ah ngawngtan athuak Germany gammipa luanghawm ki mukhiata

Cable Car akhawlcip ciangin Rescue Crew te’n akhut uhtawh agalpan in Hand signal honglak in, bangmah lunghimawh lohding leh daitak in omhithiat dingin hong theisak uh ci’n Mr Rieger in genkhia hi. Hih Wedding Anniversary bel phawktawntung in omding hi ci’n genbeh hi. Sawltak #zomidaily