Malaysia, Kota Damansara vengsung aom Bus Stop khat mawtaw in nawkkha, mi 8 liam

Malaysia, Kota Damansara vengsung aom Bus Stop khat mawtaw in nawkkha, mi 8 liam

Malaysia, Kota Damansara vengsung aom Bus ngakna “Bus Stop” khatah mawtaw in nawkkha in mi 8 liam cih NST pan kiza hi. Tuni Saturday zingsanglam 8:45am hunpawl in Proton Satria mawtaw khatin anawkkha hi a, aliam tepen pasal vive mi 8 ahi uhhi.

Kota Damansara, Jalan 5/1 Sepah Puteri Seksyen 5 vengsung aom Bus Stop ah thupiang hi a, aliam mi 8 lakah mi 7 tepen Bangladesh gammi vive kici hi.

Athupiang akigenna ah tua Proton Setria mawtaw pen Malaysian gammi khatin ahawl hi a, amai ah atai Bus pen Bus Stop ah khawlding in kithawi hi. Tuaciangin anungpan azui ahi Proton Setria mawtaw pen ahunlap in khawlsak theinawnlo in, amai aom Bus aphutding patau in lampanglam ah ahawlkhiat ciangin Bus Stop ah Bus ngakin akhawl dimdim mipi te aphuphei khagawp ahihi.

Hihvai tawh kisai in kumpi thunei ahi Petaling Jaya district chief Assistant Commissioner Mohd Zani Che Din in agenkhiatna ah aliam mi 8 tepen Sungai Buloh Hospital ah zatui kibawlding in kipuak uh cihi. Proton Setria mawtaw ahawlpa zong liam ahih manin zato kipuak hi.

More: Malaysia, Kota Damansara aom Jewellery Shop ah damiah lut, RM720,000 puakhia

theStar te pulakna ah Bus Stop sungah mawtaw in aphutkhak laitak in mawtaw ngakin Bus Stop sungah mi 8 mawtaw ngakin aom uh cihi. Malaysian gammi khatleh gamdangmi 7 hi a, avekun aliam uh ahihi. Asibel kuamah omsamlo cih kiza hi. Sawltak #zomidaily