Buaina icih banghiam? ~ Go Lian Kap

Buaina icih banghiam? ~ Go Lian Kap

Buai na icihpen thu nawngkaai khat i leptuah kei a, thukhen na maan i zatkeh tuapen buai na a hihi. Ahizongin, deihna Leh muhna kibatloh na hang a piang kam kiselna (argument) pen buai na kici lo hi. Hih mi nihte’ Kam kiselna or khat leh khat ki mawksak na (accusations) pen a dik Leh a mawh khensatna nei lopi in, i pum daihsak Leh tua In buai na ong tun hi.

Buaina pen a phungpi nam nih in ki enthei hi. Gamsung a hi a, pawlpi, leh kipawlna khat peuh sung ah MIPI leh MAKAI te hang in buai na Piang thei hi.

1. MIPI te hang buaina

Mipi te khat peuh in thukhun zuilo a om ciangin mipi tengmah sukha in mipi sung ah khat leh khat kitel khialh na piangsak hi. Hih buai na pen kipawlna, biak na, Leh gam ii thukhun zui In thukhen leng, buai na ong tun lo in, tua ki telkhialhna pen thukhen-na tawh maai hi. Ahizongin, hih mipi te kitel khialh na pen thukhun zui a, thukhensat i bawl kei a, i nelhsiah leh tua in buai na ong tun a, Unity susia hi.

2. MAKAI te hang buaina

Leitungbup gam, kipawlna, biakna khempeuh In thukhun nei hi. Mipi te zuihding thukhun a om mahbangin, makai te zuih ding thukhun om hi. Makai te’n zong thukhun zui a, nasepna maan tawh ong kalsuan kei uh leh nakpitak buaina lianpi piang thei hi. Hihbang makai te’n zong thukhun bang a, na asep kei leh thukhun om bang a Action laak ding hipah hi.

Makai te thukhun zuih loh na te zong thumaan tawh thukhen lo a, i ki theih mawh bawl niloh leh hih In a suuksia penpen buai na ong tun in ki pumkhatna susia mahmah hi. Tua a hihmanin makai te’n thukhun om bangin na a sep kei uh leh, a mau hangin buaina lianpi Piang thei hi.

Buaina a omloh nadingin bang kisam?

Buai na a omloh nadingin makai te leh mipi te in i gam, pawlpi, leh kipawlna thukhun te zuihsiam leng buai na omlo pen hi. Tuaban ah, i gam, pawlpi, kipawlna thukhun tawh kituak in thukhen na maan zang den leng buaina om thuah-thuah lo pen hi.

Philosophy of law mipil te’n thukhun, policy, manual, Leh guide line ding a bawl ciang un buaina a omloh theih theih na dingin a na gialh uh a hihi. Ataktak in tua mipil te bawlsa thukhun, policy, manual, leh guideline te i zuih loh man in buai na a piang hizaw hi.

Tua a hihmanin, buaina om hi cih i muh ciang in hih buai na pen koipan ong kipan hiam? ( Mipi te Hang maw? Makai te hang?). Tua buai na a bei na ding i deih leh i policy, thukhun, Manual te’n bang cigen hiam cih en kak ding kisam hi. I pawlpi thukhun, policy, Manual, guide line sung a ki gialh dan leh makai te or mipi te gamtatna a ki tuah keh thukhun zui lo penpen a mawh hipah hi. Tua in Solution maan pen a hihi. Pa Go Lian Kap