Breaking news: Russia – Ukraine kihona (talk) (March 03, 2022)

Breaking news: Russia – Ukraine kihona (talk) (March 03, 2022)

Ukrainian leh Russian Palai (delegations) te anih veina kimuhkhopna pen Belarus gamgi ah tuni kinei kik aa, tualai ah kidona khawlsak nading ceasefire-agreement kingah zo nailo in hong kikhen bawl leu leu uh hi. Hih anih veina kihona ah mipi te nek leh dawn, zatui zaha akisam bang piak theihna – humanitarian and evacuation corridors piak dingin thukimna hong nei thei uh hi.

Kidona hangin mipi ten aomna uh pan ataikhiat nop uh leh alang tek pan kikapna kikhawl dingaa, mipi te kipaikhia sak ding cih thukimna ngah uh hi.

Russia President Putin in belh buluhna khawl sawm vet lo aa, Ukraine gambup angah do buluh sawm dan ahih manin hong tung ding ni te ah kidona hong nasia tek tek thei dinghi ci in French President pa in Putin tawh akihona tungtawn in genkhia hi. UN aa kipan leitung gam tampi in Russia gam pen khantanna tuamtuam (sanctions) te bawl ziah ziah uh ahih manin Russia gam ii economics pen asawt loin hong puuk thei kha ding hi ci uh hi.

More: Russia – Ukraine vai nai 24 sung thu piang tuamtuamte

Gam tampi in zong Ukraine gam pen galvan, sum aa kipan kihuh ziah ziah ahih manin Galpi thumna (World War III) hong pian ding kipatau mahmah tek hi. Ref: Epoch Times *** News Update zong LIVE tawh kikhah zel ding i hih manin kimu tek ni…. Thomas On Sian Mung (Thomas Mung Guite) Washington D.C March 03, 2022