Brazilian Football Team te tuanna tuahsia, mi 70 valsi

Brazilian Football Team te tuanna tuahsia, mi 70 valsi

Nov. 30, 2016: Brazil tukpeng sui Chapecoense teamte leh a dangte kigawmin mi 81 tuanna vanleng charter flight BAe 146 LMI 2933 kici zanhal zanin Colombia gam-a Medellin khuapi kianga om Cerro Gordo mual tungah tuahsia in kia a, a vanleng pum (fuselage) mual tungah zan gawp hi. Hih vanleng pen Bolivia gam-a Santa Cruz panin a leng khia hi a, 10:00 pm Monday (0300 GMT Tuesday) in a vanleng sunga mei in a nasem ding bangin sem lo (electric failures) tuak in tuahsiatna tuak hi.

Chapecoense football teamte pen tuahsiatna tuak lo hile uh tu ni-in Copa Sudamerica finals match ah Athletico National teamte tawh Medelin khuapi ah kimawl ding uh ahi hi.

Hih Flight LMI 2933 tuahsiatna hangin mi 75 in sihna tuak hi cih kitel ta hi ci-in Colombian Civil Aviation head Alfredo Bocanegra in gen hi. Hih vanleng suangah Chapecoense teamteamte mi 77 kihel hi.

Hih vangleng suanga thukizaksakna ciamtehna “black box” kici kimu ta a, lim takin a a kisitel (analysed) ding kingak lai hi. Colombian ulian ten vanleng kiatna mual tung pen mun hamsa mahmah khat hi ci-in gen uh a, hutkhiatna nasem ten tua mun tunna dingin naikal khat leh a kim val hun beisak uh hi.

Hutkhiatna nasem leh ulian ten bel si luang 75 kimu ta hi ci uh a,
Emergency workers ten si luang 72 kimu ta a, mi 6 suakta in, tuate lakah tukpeng teamte thum leh crew members nih leh journalist khat kihel hi ci uh hi.

Hih vanleng tuahsiatna a kihelte lakah Chapecoense teamte goalkeeper kum 31 mi Marcos Danilo Padilha in zong liamna tuak a, zato inn ah a kipuakna lai-in lam kalah si hi civil aviation authority ten gen uh hi.

Hih tuahsiatna tuak vanleng pen British Aerospace 146 airliner kicite bawl hi a, 1999 panin na kizang hi ci-in British Aerospace 146 airliner spokesman in gen a, a vanleng pen four-engine jet hi a, Bolivia charter company LAMIAte tuangah a kizuak ma-in gamdang nih in na zang ta hi. Hih vangleng companyte bawlte pen World Cup qualifying match ah Argentina in zong na zang a, Lionel Messi zong na tuang ngei hi.

More: Yangon Airport sungah apuakkham theiding muanmawh kimu

#Behlapna: May 4, 1949 in zong Turino footbal club ten tuahsiatna na tuak uh a, a tuanna vanleng uh Turin kianga om Superga sunga om Basilica ah na kia a, mi 13 in sihna na tuak uh hi.
Source : The Hindu/ Thang Khan Lian