Bangladesh gamah 2014 in mipi mangin athatte mi 26 sihdan kipia

Bangladesh gamah 2014 in mipi mangin athatte mi 26 sihdan kipia

Jan. 16, 2017: Bangladesh thukhenna zum (court) in 2014 in Narayanganj khuapi-a cricket stadium panin mi pimang (abducted) in, mi that mi 26te khailup dingin sih dan (dead sentence) pia a, tuate lakah Bangladesh elite security force senior officer thum kihel hi.

Hih Narayanganj khuapi-a cricket stadium panin mi pimangte pen mi 35 hi uh a, tuate lakah elite Rapid Action Battalion (RAB) force kici galkap 25 kihel uh a, District and Sessions Judge Syed Enayet Hossain in a vek un a mawhpaih hangin mi 26 in khailupna tuak ding uh hi.

Narayanganj cricket stadium panin mi pimang ten mawtaw (van) number tuang loin khat sungah a mi pimangte uh puakna uh mit tawh mu ten na mu uh a, a pimang khit nung uh ni thum nungin April 2014 in a pimangte uh si luang tui tunga laam kimu hi.

2015 panin Bangladesh, India leh Indonesia in sih dan piakna omsak kik (resumed executions) uh hi ci-in UK pansan rights group Amnesty International in ci a, 2015 in Bangladesh ah mi 4 sih dan kipia in kithat a, 2015 in Bangladesh, India leh Indonesia ah mi 197 sih dan kipia hi ci hi. Source: News agencies/ Thang Khan Lian