Asiangtho kiteenna Canonical Form

Pawlpi’ upna thu ih gen ciangin zuihna tawh tonkhawm den hi. Tua zuihna in upna nungta saka, tua zuihna aom ciang bekin upna in zong ma’nhong nei pan hi. Tua ahih manin RC (Catholic) pawlpi in Upna bek tawh vantunggam kingah zolo hi ci-in siangtakin hong hilh hi.

Asiangtho kiteenna ihcih pen pawlpi ngeina (Canonical form) tawh kizui in kiteenna ahi hi. Tua canonical form tawh kizui a pumkhatsuahna angah nupate’ kiteenna pen Sacramentu kici thei pan hi. Canonical form ih cih in bang hiam ihcih ciangin:

A kiteengding monu le mopa,
Kiteenna a bawlsakding Siampipa (minister),
Ateci ding moliah nih (two witnesses) leh
Nupasuak dingte gel ii kipiak kiciamna (mutual consent) hiteng pen canonical form kici hi.

Asiangtho kiteenna asuah theina dingin tavuan nei Siampipa in prenuptial inquiry ci-in pumkhatsuahna asang ding ngaknu le tangvalte’ thu atawmpen khakhat sung peuhmah kantel masa phot hi. Tua bek hilo in, Banns akici, kiteenna akhak tan nuam leh akhaktan thei thule la aom hiam ci-in lai kisuang a, kam mahmah tawh zong thumvei vilvel kitangko hi.

Bangmah thu nawngkai omlo cih kiciantaka aki theihkhit ciangin, ani akha kiciang tan in letthatna piakding kigel pan hi. Kiletthatna asang ding tegel zong Sacramentu asan ma un kisittelna le mawhsutna te kineisak hamtang hi. Hih pen Catholic ngeina tawh asiangtho a kiteenna ahi hi.

Tua hi a, hih asiangtho kiteenna tawh pumkhat nasuah khit ciangin, na it mahmah na lawmnu pen Pasian’ mai le pawlpi maiah kei aa hi, ci-in tangko khinta nahih man in, nangaa taktak hita hi. Ahi zongin tua masiah pen ama tungah bangmah nasem thei kei hi. A zenzen in nasep khak leh tua pen Premarital Sex kici in, Fornication suaka, mawhna lian ahihi.

Fornication tawh kisai in hih anuai a Laisiangtho munte et beh dingin kong cial sawnsawn hi.
1Cor 7: 1- 2/ Acts 15: 20/ 1Cor 5: 1, 6: 13,18/ 2Cor 12: 21/ Gal 5: 19/ Eph 5: 3/ Col 3: 5 / 1Thess 4: 3- 4

Fornication = zinei pasal nei nailo te’ lupkhopna
Adultery = zineisa pasal neisa te, ama zilo le ama pasallo tawh lupkhopna (Angkawmna)

Topa’n atel siam dingin thupha hongpia ta hen!

Christu itna sungah
Fr. Khuppi
Manila