Mihingte pumpisung ettheih nadingin Color X-ray kibawl theita

Mihingte pumpisung ettheih nadingin Color X-ray kibawl theita

Mihing pumpi asunglam damlohna khatpeuh etding ciangin datman “X-ray” kizaih a, tua datman tepen Black & White vive ahihi. Ahi zongin New Zealand Scientists te hanciamna tawh amasa penpen 3-D, Color X-ray ki zaihtheita cih AFP pan kiza hi.

Abeisa in X-ray akicihleh Black & White vive hi a, hihpen amasa penpen Color X-ray ahihi. Photo: atunga photo pen MARS Bioimaging Ltd te’n July 12 ni in akhahkhiat uh Color X-ray ahihi. Mihing khat ii akhe akizaihna hi a, akang tepen aguh hi in, asan tepen Soft Tissue ahihi.

Europe’s CERN Physics Lab te genkhiatna ah mihing pumpi X-ray akizaihna ah New Zealand Scientists te hanciamna tawh Color X-ray kizaih theita a, tua Technique hangin a cidamlokhat anatna kankhiatna ah tampitak baihtuamding hi ci’n genkhia uhhi.

Tua Color X-ray akizaihtheih, apiantheih nadingin aomsa ahi Black & White X-ray tungtawn mahin aki bawlkhia ahihi. 2012 kumpek panin Color X-ray zaihtheih nadingin aki pankhia pen tukum 2018 ciangin akizangthei taktakta ahihi.

CERN Statement te genkhiatna ah hih Color X-ray Imaging Technique hangin Doctors te’n natna pen akicianzaw, akitelzaw in muthei, entheiding uh a, cina te adingin akisam zatui bawlna ah tampitak panpihding hi ci’n genkhia uhhi.

Medipix akici CERN Technology te bawlkhiat tua X-ray zaihna pen Camera bangdanmah hi a, High-resolution leh High-contrast tawh photo akizaihthei ahihi.

University of Canterbury panin Developer Phil Butler in agenkhiatna ah hih X-ray zaihna panin Pixels aneu nono te kiciantak in kizaihthei hi. Tuabang in adang datman zaihna “Imaging Tool” te’n zaihtheilo a, hih Color X-ray zaihna ahihleh kiciantak in asiangmahmah in zaihthei hi ci’n genkhia hi.

More: Numeikhat asumbawm amansuahding patau in X-ray Machine sungah lutkhawm

CERN te genkhiatna ah tuabangin akizaih X-ray tepen siangsitset ahih manin guh, thagui, tissue (Bone, Muscle, Cartilage) cihte kiciantak in ki muthei hi. Gentehna in Cancer tawh kisai abawk “Cancerous Tumours” cihte aomzia, agolna cihte kiciantak in ki enthei cihi.

Hih Color X-ray zaihna pen New Zealand Company MARS Bioimaging te’n Otago University leh Canterbury University tetawh bawlkhawm in hong hawmkhiading uhhi. Sawltak #zomidaily