Alawmnu athahlup khitciangin aluanghawm tawh palik zumah ki ap

Alawmnu athahlup khitciangin aluanghawm tawh palik zumah ki ap

Malaysia gamsung ah pasal khatin alawmnu “Girlfriend” athahlup khitciangin aluanghawm mawtaw sungah koihin Police Station ah paipih cih NST pan kiza hi. Hih thupiang pen tuni Monday (Feb 05) sunlam in thupiang ahihi.

A thatlumpa pen kum 37 apha khinkhat hi a, alawmnu athahlup khitciangin aluanghawm tawh Damansara Police Station ah amahleh amah aki apding in paipih cibilbel hi.

Alawmnu pen kum 35 aphakhin khat hi a, Damansara Police Station atun ciangin kalawmnu ka thatlumkha hi, aluanghawm pen mawtaw sungah omhi ci’n palik te kiangah genkhia cimawk hi.

Tuaciang in Police te’nzong tuama mawtawsung a et uhleh numei asisa khat ii aluanghawm mutakpi uh ahih manin, tuapa pen mansuakpah uhhi.

Athu aki zakna ah hihpa in alawmnu “Girlfriend” pen haza ahih manin athatlum kici hi. Alawmnu pen pasal adang khattawh akithuah laitak mukha ahih manin, hazatna lungsim lutin athatlumkha kici hi.

Ahi zongin District police chief Assistant Commissioner Mohd Zani Che Din in agenna ah hih kithahlupna pen ki itluat manin ki thahlup khakna “Crime of Passion” koici pianhiam cihpen aki kanciansan laitak hi ci’n genkhia hi.

Palik te genna ah hihpa in tuni nitaklam 4pm hunpawl in amawtaw Honda City tawh Damansara Police Station ah hongpai cihi. Tuakhit ciangin Counter ah paipah vingveng in, Duty angak palik khatkiangah ka Girlfriend pen ka thatlumkha hi ci’n genkhia cihi.

Video: Man turns himself in with lover’s body

Police Chief ii genna ah alawmnu pen athahlup hun 1:30pm hunpawl hidingin ki ummawh cihi.

Tua mithatpa thudotna akineihna ah alawmnu pen Kota Damansara vengsung aom Hypermarket khatah athahlup cihi. Ama mawtawzat Honda City sungah athahlup cihi. Tuakhit ciangin amahleh amah Damansara Police Station ah aki apziau ahihi.

Alawmnu pen Police te’n avel uhciangin agawl ah akidawtna kimu hi. Ahiam mahmah khattawh agawl akidawt hiding kici hi.

Mithatpa leh alawmnu pen Kota Damansara vengsung aom Condominium khat ii Management ah nasemkhawm kici hi.

More: Lawmngaihnu paak piadingin inndawl 5 na ah mawtaw domtosak

Numeinu ii aluanghawm pen University Malaya Medical Center ah kipuak in, Postmortem kibawlding a, hih kithahlupna vaipen “Section 302 of the Penal Code for murder” thukhun tawh kituak in thu kibawlding cih kiza hi. Mithatpa pen zingciang in thudotna ki neikikding cihi. Sawltak #zomidaily