Al Qaeda makaai Ayman al Zawahri in Kawlgam gal bawl sawm

Al Qaeda makaai Ayman al Zawahri in Kawlgam gal bawl sawm

Leitung aa angongtat migilo terrorist Al Qaeda te makaaipi Ayman al Zawahri in India gamah , ama i gal-uk Al Qaeda group i abameng (brand) khat kiphuanthak in, Kawlgam, Bangladesh, leh India gamteng (target) in koih aa galbawl in buluh ding ahih nathu, taangko khia ta uh ahi hi.

September ni3 ni Online pan minutes 55 apha video file khat pan Kawlgam, Bangladesh, Assam, Gujarat, Kashmir gam teng aa,om Muslim te ding thangah ahuai mahmah thuhoih , thuthak (Good News) khat suak in, tua galhang galkap thakte in, Muslim te ki bawlsiatna leh ki nenniamna te pan hon khia ding hi ci’n Ayman al Zawahri in gen khia zong ahi hi.

A gen bekna khat ah, Syria gam leh Iraq aa tu sawng teng hong thakhauh mahmah aslamic gam thak abawl sawm Islamic State of Iraq (ISI) te in, Islamic galvai Operation abawlnate ah, Al Qaeda te i makaihna te tungah, hong to/ hongkona (Challenger) nate kathukim kei uh hi zong ci hi. IS te makaaipi Abu Abu Bakral-Bagh dadi in amah leh amah (Caliph) galkap mang lian pen leh kumpi zahkhat in kivawh in kigen aa, Muslim minam kici khempeuh mah in ama khut nuai ah aom nading ngenzong ci uh hi.

IS group te in 2013 kum Al Qaeda makaaipi -Ayman al Zawahri te kiang pansa hong kikhen khia un, Syria gam sungah lut in, tua lai aa Abu Abu Ab Bakral-Baghdadi i nungzui galkap teng ngawngtan sak in, biakna vai paulap kawm in kap cimit gawp leh, nasiatak mithakna leh cimang liang in vatpaai mang zong ahi hi. Khuanung ah ama uh makaaipi hong suak-kik zong ahi hi.

Tua atung aa om thu teng hang mah in,Muslim mitawm thamte tungah minam khenna azangh Kawlgam Rakhine State saklam aa, Rohingya te tungah, namniam leh bawlsiat athuak U Thein Sein Kumpi te tungah zong, lungkimlo uh ahih manin, Kawlgam aa ding apatauh huai ban thamlo alau huai lo apha mawh thu khat leh (Challenge) khat hongsuak ahi hi.

2011 kum America Special Forces (Navy SEALs) te’n sa bang aa abenglup/ athalup Leitung Al Qaeda makaaipi Osma bin laden leh akhut nuai mi Ayman al Zawahri aza laih in nasiatak hong kipan thak kik zong ahi hi. IS group bang Islamic gam kek nading Al Qaeda makaai te’n bang hunhun in tupna/ ngimna neih ngeilo in, ama uh ngaihsut lungtuppi in US leh nitum nalam gam te (target) in neih in kap in susia den ding cih bek thupi ngaihsut uh ci hi.

Newyork khuapi aa World Trade Centre pi ahi Twin Tower pen 2001 September 11 ni asuhsiat cipna in Al Qaeda te i alian pen galkapna Operasion hong suak ahi hi. Ayman al Zawahri pen tua hun lai Al Qaeda te anihna makaai khat in leitungin thei mahmah ngei ahih banah, amah aman zo te US $ 25 million piak dingin US te’n taangko khia uh zong ahi hi.

Kham Khan Suan (Artist Kyaw Kyaw Oo)