Afghanistan gamsung aom Kandahar ah Bomb puak, UAE Diplomats 5 si

Afghanistan gamsung aom Kandahar ah Bomb puak, UAE Diplomats 5 si

Jan. 11, 2017: Tu ni-in Kandahar leh Juma al-Kaabi khua-ah bomb kipuaksak a, mi 11 a sih banah mi 17 in liamna tuak hi. A site lakah gam khat leh gam khat kikal a nasem ulian (diplomats) United Arab Emirates (UAE) diplomats 5 kihel hi ci-in Afghanistan gam-a UAE ambassador in ci hi.

UAE official Emirati news agency WAM in hih diplomats-te pen huhna, siamsinna leh khantohna ding lamsang nasem dinga (humanitarian, educational and development projects) Afghan ah kisawl hi ci hi. Kandahar khuapi a bomb puak pen Kandahar khua-a provincial governor’s office ah UAE diplomats-te a hawh lai takun puak ahih manin UAE diplomats-te si kha uh hi.

Dubai kumpi leh EAE prime minister Sheikh Mohammed bin Rashid Al Maktoum leh UAE vice president in hih bangin cimawh huh ding kisamte huh dinga paite bomb zanga thahna pen mihing ngeina leh gamtatna hilo hi ci-in a Twitter ah tuangsak uh hi.

Afghan ulian ten sihna tuakte lakah Washington-a Afghan diplomat leh Kandahar province deputy governor kihel kha hi ci uh hi. Hih Afghan uliante pen UAE kumpi huhna “aid programme” project kici a piak dingte uh honna nei dinga pai ahi uh hi.

Sihna tuakte dahpihna lahna dingin UAE kumpi in UAE gam-a sanginn leh kumpi inn khempeuh ah a lan (flag) uh a kim ciangin ni thum sung khai ding uh hi.

More: Mansakna leh Hoih gamtatna (Legality and Morality)

Taliban ten hih pen ko gamtatna hilo a, gam sung leh khua sunga kigal neihna “internal local rivalry” kici hanga thupiang hi ci uh hi.
Source: Al Jazeera and news agencies/ Thang Khan Lian