A zi tawh en kenla Khrih tawh en zaw in ~ Evan. Suangh Dal

A zi tawh en kenla Khrih tawh en zaw in ~ Evan. Suangh Dal

1. Jesuh Khrih bulphuh lo sermon khat pen zatui zaha omlo zatopi tawh kibang hi. Mawhna pen hong sisak thei natna lauhuai penpen hi-a, Jesuh Khrih bek tua damna zatui ahi hi.

Tuhun teh Pastor tampi takin kuan sermon thuhilh simin Jesuh thu hel zo kinken ding ci nuam ta uh hi. Sermon sim Jesuh Khrih na hel theih keileh, na laitat (Christ centre preaching) kinken theih nai kei leh Jesuh Khrih’ thuhilhpa (the preacher of Christ) na hi nai kei hi. Ahang in bang sermon bang sermon na hilh zongin Jesuh Khrih kihel thei hi. Jesuh Khrih tawh naa khempeuh kipiangsak himawk hiven.

2. Numei in a pasal a citak dingin bawl thei lo hi. Pasal in Khrih tungah a hong cihtak teh a zi’ tungah hong citak thei pan ding hi. Tua cihtakna pen Kha Siangtho nasepna ii gah khat ahi hi.

A zi gina ngap lo a pasal in heuh cihtak pih mahmah khawng na cihsan mawkmawk uh cihtakna i cih pen Khrih tungah a kipiak hang hizaw hi ven. A pasal Khrih tungah a cihtakna a zi-in a hamphat pih hizaw hi. A zi tawh en-in haza kha kenla, Khrih tungah a cihtakna tawh en in pakta zaw in.

1. Mi tampi takte in Lungdamnathu taktak a kigen a kihilh a kipost te hua pian philh-phelh geuh tek uh a, thusim lo san hamtangin, thangpaih ngaihsut khek-khok geuh uh hi. Banghang hiam cihleh Lungdamnathu taktak i cih in mawhna thu tawh sual ngekngek hi.

2. An duh tui duh zahin Pasian’ deihna mah a ci tangtang mi in Pasian’ ompihna nisim in zong ding-a, Nipi Ni bekin Didi sa lo ding hi.

3. Pastor pa ii nasep pen tuute vak ding ahi hi. Tuute lakah keel hong pai pen poi lo a, ahi zongin Pastor pa in tuute a an vak ngei pia loin keelte khualna in a an vak zia (menu) a laih pah leplap pen poi pet mah hi. Biakpiakna icih pen tuute ading bek ahi hi, Okay.

4. Tuhun teh Pawlpite in Lungdamnathu taktak awlmawh nawn lo lua ta uh hi. Tua ahih manin Lungdamnathu taktak na hilh leh tua bang Pawlpite ii gensiatna (vilified) thuak ding cih theihsa hi.

Tua bang Pawlpi upa makai Sya teng in Lungdamnathu taktak a gen pa pen mi ii muhkhialh dingin lang gen kiangkiang ding uh a, tua pa thu ahi lo lam-a kikupna tawh a mau kilem lo teng kimai-etna kigual nopna-in nuihciam lel san lai lingling ding uh hi.

A thu gen dan pen Kha thu a nial hi. Gnostic thuhilhna hi. Hun lui laidan hi. A tuamkai pian hi. Ei pawl upna dan taktak hi kei. Pawlpi khenkham ding nam hi. Tuhun tawh kituak kei, cih bangdan nengneng tawh ahi lopi-in tua pa a kimukhial dingin kigen ding uh hi. Vilify = သားပုပ်လေလွှင့်ပြောဆို… Evan. Suangh Dal