A tapa sammetdan akilawmloh manin a nasepna panin kitawp lawhliang

A tapa sammetdan akilawmloh manin a nasepna panin kitawp lawhliang

Dec. 15, 2016: North London a om Neasden a teng kum 37 mi Craig Emmanuel in a tapa kum sagih mi Mackenzie kici Willesden (North-west London) a om St. Mary’s Church of England Primary School ah kahsak hi.

A tapa sammetsak in a pangah millimetre 2-3 a kiau in No.2, a tal lamah No.3 muh theih dingin (featured) a sammetsak ahih manin a sangkahna ten a semmet zia kilawm lo-a, naupang dangte muh dingin kilawm lo hi ci-in sanginn kong (gate) ah na lutsak nuam lo uh hi.

Sangsia ten Craig Immanuel phone tawh hopih in sam uh a, a zi tawh va pai-in a tapa uh Mackenzie sanginn panin va pi uh hi. St. Mary’s Church of England Primary School ten bel Mackenzie pen sanginn panin a kihawl khia hilo a, a sam a sau kik ciangin kikahsak kik ding hi ci uh hi.

Craig Emmanuel in ta li nei a, Japanese stationery firm, Muji kici ah ni nga bek nasem pan a, a sepna pen tawl khat sung bek (temporary) sem dingin December 31 tan contract ahi hi. A tapa sammet zia kilawm loh manin sanginn panin sapna ngah manin a sepna ah khuan (holiday) ngah nai lo ahih manin a nasepna panin kitawp leh hoih zaw ding cih ngaihsutna tawh kitawpna (resignation) lai khia hi.

Caig Immanuel’ zi Louise pen kitchen assistant part time job nasem hi a, a tapa uh Mackenzie pen London Athletic under sevens A squad football ah kimawl hi.

More: Kawlgam Eleven Media te Journalist khat Monywa ah kithat

Ka sam pen keima neihsa ahih hangin i sam pen ut bangbanga met theih ta ci-a met veuvau loh ding hih tuak mawk ei 😛 Source: Daily Mail/ Thang Khan Lian