A lamdang a kisai lungtang (The heartbeat of the miracle)

A lamdang a kisai lungtang (The heartbeat of the miracle)

Mual neu khat nuaiah om suangpi nih ki kal ah Siapa tawh ka tu uh hi.Ka Siapa in kunsukin suang khat tawmin ka khut sungah ong pia phei hi. “Tua suang na lawnkhak teh bang na feel thei a?” Bangmah feel thei keng, suang cih lohngal maw”

“Tua ahih leh na khut na ngawng tungah ngasin aw leh bangci na feel a?”

“Ka lungtang kisai lawngkha ingh”

“Suangin lungtang neilo ahina?” ongci hi.

“Suangin..neibuanglo e” ci in ka dawng kik hi.

“Suang I cih pen, apongsan om bang, a golna aneuna cia,tua bang a akip,a hih bang lel a a om hi a, lungtang kisam lo hi. A hihhangin, nang leh kei pen lungtang kisam, hunsim naisim in,aki saisai na tungtawn a I nuntakna kinga hi. I lungtang ki saisai pen ong khawl ziau leh a man hi ta ai ve.Tua mun san lian ai ve suangte nutakna leh ei mihing nuntakna ki batlohna.”Pasian I pian/omsak dan hi.

Suang ahih leh a om mawkmawk(Just Exist) I ci mai dia, ei mihing te I hih leh ki om/nunta mawkmawk het lo in, I nuntak theih na ding a,aki lailai,a ki saisai, hahkat cihtak a ahahkat ahi I lungtang hang ahihi. Tua ahih man in I lungtang pen hunsim naisim in a ki sai tawntung kul hi. Bangmah sem tuan ta kei le the zong, na lungtang khawl tuan lo hi. I ihmut kal sung nangawnin khawlhun neilo in na ki saisai veve hi. Tua hi kei zenzen leh I nuntakna aman ding ahihi.

Na hun mawkbeisak hun na ngawn in na lungtang in hun mawkbei sak lo a, tua sung mah in zong na hun na mawk bei sak theih na ding nangawn hanciamtak in ki saisai lai hi.Mawhna I bawl laitak, mi I gensiat laitak, duhhawp huaiham in I om laitak, lametna I neih nawnloh khitui luangin lungkiat hun laitak nangawnin, tua I lungtang pen tawlnga peuhmah lo hi. Na lungtangin, kap a na ki ko theih na ding leh na nuntak na dingin hahkat tak in galong do pihpih na hihi.”

“Tua ahih leh Sia aw, Kei ka om na ahang leh suang aom na…?

“Nang nuntak na pen aom mawkmawk hi lo, na om theihna ding a,a hahkat a na hanciam khat om. Tua ahih man in, nang nuntakna pen nalamdang(miracle) khat hi. Na hun sim, na nuam nadahna hunte zong e,na khitui luan bek zong na lamdang hi. Na nuntakna pen Pasian kiang pan letsong taktak hi.hunsim pen Pasian in nang nuntak nadinga ong sepsak hi. Hunsim pen nalamdang ahihi.”

“Tua ahih leh hihthupen ei mimal a dingin bangci zattheihding i hia?

“Tua ahihman in, mikhatpeuh in anuntakna pen ama a dan khat in azaangkhai ngaihsut zanzan ding hoih lo peuhmah hi. A hun mawkbeisakna pan in akhawl theih ding thupi ding hi. A thupi simloh loh a, ahih thopthop ding hoihlo hi.Mawhna sunga ki buala, Pasian deihna bang a i om theihloh cih te pan in khawl huai ta hi.

Nang one ki pia, nuntakna pen na manpha bangin ngaihsut theih ding thupi mahmah hi.hih bangin na nuntak theihna pen hanciamtak a a ki saisai na lungtang hang ahihna pen na lamdang khat ahihna phawk tawntunginla,lungtang khatvei aki sai sim in, amanphatak a nuntak ding ngaih sun pha mahmah in kul ding hi.”

The Mission: Tuni in ni lamdang hi cih ngaihsutna tawh nungta in la, lungtang ki saisim in,man neitak in nuntak theih dingin tuat in.

Psalm 139: 14-17; Cahn Day 21
Dim Lun Zam( Zamnu)