A (3) veina mawtaw dim puak leuleu

A (3) veina mawtaw dim puak leuleu

Tuilang, Tonzang, Phaitui, Darkhai, Selbung, leh Cikha a, koih kholh phot ding antang besan kipua tosak hi. Tuk tungta a lampi kisia leh van kinawn theilo ding ahih manin pawlkhat hawm nailoin kikhol hi.

Tutungin mask box 24 Tengh 12 man kipua tosak hi. Kidalna zatui kisut ding hun kigenkhol theilo ahih manin ei leh ei kidalna pen mask ahih manin kithupi ngaihsut phot hi.

NASEPNA AH HAKSATNA TUAMTUAM

Khuasung a van nawn nading a kizang mawtaw neu nihte pen natna tam lua ahih manin ut nawn lo uh a, sum ka piaksate nangawn hong ap kik ta uh hi. Van nawn ding oxygen puak ding mi hamsa ta hi. Zatui leh van i deih bang kingah zo mengmeng nawn lo mawk hi. Covid 19 veite zatsa oxygen bungte bangci sawp ding, koici kep ding, kua in sawp ding cih zong tha kingah lo ciat ahih manin buaina khat mah hi. Siavuan khatin tuate pan zong kilawh thei mah hong ci sawnsawn hi.

OXYGEN KAWM ZIA DING

Tu-in oxygen cylinder bungpi 50 leh a neu bung 14 kinei a, tampi hong kikawm khin hi. Cina khat in tampipi la mawk lehang hawmcing lo ding ahih manin ei kawm bung ciat oxygen sai ah dim kikin zang kikkik ding hihang cih i kitheisak hi. Sia Do Khup