A (3) veina Gambup Khawmpi (21st Century Panglong) nuamtak kizo

A (3) veina Gambup Khawmpi (21st Century Panglong) nuamtak kizo

Tutung khawmpi (Union Peace Conference -21st Century Panglong) pen July 11-16, 2018 hun sung teng Myanmar International Convention Center -2, Nay Pyi Taw ah kineikik thei hi. Hih khawmpi panin mailam kibel pawlna gamthak siksan ding thukhun guipi thulupi (4) kamkupna lak ah agawmpi thukimna/khensatna vekpi ( Union Accord -14/ Part -2) kinei thei hi.

Tuate in:

(1) Gamvai lam – Political Principles – (4), (2) Sumlei sumzuakna lam – Economic Principles -(1), (3) Nuntak khuasakna lam – Social Sector Principles – (7) leh (4) Leitang leh kiim -le-paam lamsang thu – Land, Evironmental Principles(2) cihte ahihi.

Khawmpi masa lai-in kumpi lam pan, mualmi thautawi leh gamvai party te in mailam kibelpawlna gamthak lamna ah siksan bulpi ding thuguipi amau’ muhna ciat ( အျမင္သေဘာထားစာတမ္း) pulaakna kinei khin tek hi. A (2) veina khawmpi panin, thulupi (5) siksan kikup ding kikhensat ahihna tawh kamkupna kipan thei pah hi. Khawmpi (2) na ah thulupi (4) bulphuh kamkupna ahi, (1) Gamvai lam – Political Principles -12, (2) Sumlei sumzuakna lam – Economic Principles – (11), (3) Nuntak khuasakna lam – Social Principles – 11, leh (4) Leitang, kiim-le-paam vai – Land, evironmental Principles – 10 kinei thei hi.Tua a (2) veina khawmpi tungtawnin, thukhensat leh thukimna vekpigawm (Union Accord -37/ Part – 1) kinei khinzo hi.

Tutung a (3) veina thukimna/khensatna teng tawh mailam kibelpawlna gamthak lamna ah siksan guipi ding kigawm (51 Points – Union Accord Part -1 & Union Accord Part -2) kimanta hong suak hi.

Mailam hong tung ding kum (2018 -2019) beima hunsungin, khawmpi (3) vei bawl zawh lai ding kumpi in geelna nei uhhi. Tukum 2018 sung khatvei leh 2019 nihvei geelkholhna hiphot hi.

More: Gambup kilemna maban (Union Peace Process -21st Century Panglong)

Tua hun ciang’n, abeisa hunte ah kikup ding alemnailo gam bitna lam (Security Sector Principles) nuai ah om gambup galkap nam (1) bek vai – Federal Union Army, gamsung minam tuamtuamte’ kitualvai hawmna – Self-determination leh gambup pan inntuan theihna vai – Right to Sussession cihte nasiatak kikupzawh nang avaisaite in alemzawh nading kigeeltoto ding ban ah akihelkha ding kilawm muhna leh dinmun kibat lohna tawh akiheltheinailote aa’ ding lampi kigeel to zel ding hi, cih tutung khawmpi ni tawp ni (16.7.2018) pan khawmpi tanu vaisaite in tangkona (Statement) nei pah uhhi. Thupulaak: Bob Tuangpi