2008 Upadi pen Article 109B tungtawn in NLD in laihnuam leh laihtheih hi

2008 Upadi pen Article 109B tungtawn in NLD in laihnuam leh laihtheih hi

Article 109B (b) not more then 110 pyithu Hluttaw representatives who are the Defence Service personnel nominated by the Commander-in-Chief of the Defence Services in Accord with the law’. A gennopna ah Pyithu Hluttaw ah Galkapte 110 sang tawmzaw om ding cih ahi hi.

Tulaitak 2008 Upadi bawlphatna ah mi 45 telkhia un, abawlbawl laitak uh hi. Hih abawl phat teng uh Union Hluttaw ah hong kikum ding vua, galkapten a thu kim uh leh bek kikipsak thei pan ding hi. Ahang pen Article 436A ah ‘More than 75%’ in Pyidaungsuh Hluttaw pan a thu kimkei leh ki puah pha theilo cihna hi. Galkapte thukimna a kisam limlim cihna hi.

Bangcih Ding?

Hluttaw ah Galkap kusale te tawmsak leng amau 25% nei nawnlo ding cihna hi. Article 109B na ah Pyithu Hluttaw ah Galkapte 110 sang tam zaw lo ding cih hi kiau hi. Beem(0) zong 110 sang a tawm zaw cihna hi. Anuai ah tuat suk leng.

• 1. Pyithu Hluttaw 330+Galkap 110
• 2. Amyotha Hluttaw 168+galkap56
• =664

3. Hluttaw nihte a galkap tuzah agawm 166 hi.

Pyithu Hluttaw ah Galkap 110 sang atawm zaw ahi Beem(0) koih ding.
166-110 lakhia leng 56 bek, Amyotha Hluttaw a om teng bek cianlai uh hi. Galkapten 25% nei nawnlo in Telcing lamten 90% neita hi.

Article 463A ah 75% sang in atam zaw ci tektek a hong gakcipna uh Article 109 B tawh kiphel kik thei cihna hi. NLD in 2008 Upadi laih nuam taktak in Pyidaungsuh Hluttawte thukim a deih taktak leh 2020 election ma sem thei hi.

A hihhang hih Article 109B pen kuan hong zangh khia ngam diam. Upadi laibu pi zangh in ih gam a kikhel thei hi. Hih Article 109 khoih leng Galkapte hong bangci ngamtat uh diam? Kuan 109B vai Hluttaw ah thu hong sungh ngam diam? Sihna tawh bel kinai mahmah hi.

Hih Article 109B zat dan ding pen Upadi asiam Jason Gelbort in amuh khiat hi. Lungdam Cin Lian Khai (Zogamkhaino) Source: New York Times