$1400 Third Stimulus Payment vai update

$1400 Third Stimulus Payment vai update

$1400 Third Stimulus Payment pen atam zaw in zingciang March 17 ni in kingah ding aa, i bank direct deposit ah hong kithun sak ding hi. Ei ma sum payment cik ciang lut ding hiam cih ki en (check) thei ta aa IRS weblink: ” https://www.irs.gov/coronavirus/get-my-payment “ah “Get My Payment” acih na ah ki en thei ta hi. Cik ciang i direct deposit ah hong kithun sak ding cih hong lak pah ding hi.

1. Second Payment lai Direct deposit tawh hong kithun sak leh tu aa Third payment zong tua dan mah in i bank deposit ah hong kithun sak ding hi. Mipi atam zaw in March 17 ni in ngah ding uh hi.

2. Second Payment lai in Check or Debit card tawh hong kikhak leh Third payment zong tua dan lian in hong kikhak ding hi. Nipi khat pan Nipi nih sung sau vei thei ding hi. “Get My Payment” i check na ah “Payment Status: A payment has been processed, a payment date is available and payment is to be sent either by direct deposit or mail. Note: mail means you may be issued an EIP Card or a check” cih ki ngelh ding hi.

3. “Get My Payment” ah “Payment not available” hong kicih leh na Direct Payment pen hong kikhak nai lo hi ding hi. Pawl khat te belh ngah dingaa a qualify lo te hi ding hi. Pawl khat te “Payment not available” akicih hang direct payment pen lut ve ve lel hi. IRS System sung kikoih man nailo zong hi thei aa, zingciang pawlkhat te hong lut ve ve lel ding hi.

4. Tax return bawl lo (file lo) aa, ngah ding a kilawm (qualify) te direct payment hong kikhak zawh ciang bek ki check thei ding aa, tua ma in “Payment not available” kici ding hi.

5. “Payment status: A payment has been processed..” aki cih leh na payment hong kikhak lai tak hi ding hi.

6. “Need more information” akicih leh IRS in na Bank account information leh contact address nei lo hi kha ding hi. 2020 tax return na bawl nai kei leh amanlang tak in na bawl kul ding ahi hi.

7. Tax return abawl (file) lo SSA, RRB, SSI or VA benefit ngah te leh Pension (Retirement) sang ten abeisa aa SSA, pension check hong kikhak dan mah in hong kikhak dingaa, ei lam pan bangmah bawl kul lo ding hi.

Akisam bangin update bawl to to lai ni. I sum lom i ngah zawh ciang Kawlgam CDM ding i piak khiat tek ding manggilh kei ni maw. Topan lungnopna, lungdaihna hong pia den ta hen…. Ref: www. IRS.org website Thomas On Sian Mung (Thomas Mung Guite) Washington D.C March 16, 2021. MOMNO Media & Museum