Tauleng thupiang ZRA leh Kim Tuang vaitawh kisai Siamsin kipawlna pan tangkona

Tauleng thupiang ZRA leh Kim Tuang vaitawh kisai Siamsin kipawlna pan tangkona

LEITUNGBUP ZOMITE TUNGAH TANGKONA | Nimit : 22.4.2018 | Letter no. : (11/2018)

Zomi Siamsin Kipawlna, Universities – Myanmar in Apirl 14-16, 2018 sung Tauleng khua ah a (8) veina Siamsin Medical Trip leh a (9) veina Siamsin Summit kipai hi. Tua hunsungah Pa Pau Kim Tuang, ZRA te kimuhpihna tawh kisai in Siamsin leh ZRA te kikal thu, Siamsin Consultation Meeting Apirl 22, 2018 Majesty Hotel, Kalaymyo ah kibawlna tungtawnin anuai-a bangin TANGKONA kong nei uh hi.

1. ZRA in Tauleng khuasungah hong lut-in Siamsinte zintunna innsung dong hong vauna uh leh Pa Pau Kim Tuang kimuhpihna tawh kisai-in ZRA leh Siamsinte, ZRA leh Pa Pau Kim Tuang lampanin bangmah thubuai omnawnlo hi.

2. Siamsinte in Eastern Command, ZRA pan 19th April, 2018 ni-in Siamsin Medical Trip tawh kituak a agamtatna uh tawh kisai, a lungnoplohna uh hong pulakna kipomsak hi.

3. Siamsin Consultation Meeting hong kah dinga kisam nulepa, Zomi kipawlna tuamtuam pan hong pai makaite leh Siamsinte thukimna tawh hih vai thubuai omnawnlo dingin kithukim hi.

4. Zomite kipawlna khatlekhat kizahtak sakin nasepna khat peuhah buaina a om nawnloh nading leh Zomite khantohna ding mailamah kipanpihciat dingin hoih kisa hi.

Tua hi-a Pa Pau Kim Tuang leh ZRA kikal, Siamsin leh ZRA kikal kitel khialhna bangmah omnawnlo ahih manin Social Media leh kikamkupna tuamtuamte ah kuamah in kilem lohna ding thute i gen nawnloh nadingin kong tangkokhia uh hi.

• Zomi Siamsin Kipawlna, Universities-Myanmar
• Zomi Youth Assocition, Myanmar
• Chin National Resources Watch Group
• Zomi Student and Youth Organization
• Zomi National Concil of Myanmar
• Zomi Women Association