Zomi State vai maban kizom toto

Zomi State vai maban kizom toto

Kawlgam sung ah Zomi min tawh state khat ngah theihna ding nasepna mabante ki zom toto hi.

Tua vai ah akisap leh anuntakna nangawn apiakhia ding a kizo khangthak Zomi pawlkhat athusinna uh pan in gualzo tak in hong ciahkik ta uh a pawlkhat pilna sin ding in va kuan leuleu ding uh hi.

Akisam sum leh paai te zong tuipi galkai Zomite in aciang aciang in panpih ziahziah uh hi.

Ngaihsut Ding

2008 thukhun nuai nangawn ah State deih huai mahmah khin ahih man in mailam ah deih huai tektek ding hi.

Tulaitak state angah nailoh uh hang State piak loh aphamawh minam pawlkhat om hi. Tuate’n State angah uh teh ih duh gawh loh ding thupi hi.

Leitang pi ‘1 beek aizong state ahih nak leh deih huai mahmah hi.

Sian aw lumbang hong sung in. Pu Thangboi

Tuni Alamdang Pasian’ Khutma

Kawl tuibuah pawi sung Mindat ah Pasian’ thu hilh ding in hong sam uh hi. Kawlgam pen kawl tuibuah pawi sung bus ticket hamsa mahmah den se hi.

Tutung zong bus ticket ka ngahzo mahmah nawn kei hi. Agent te’ kiang ka dawp kawikawi hang om nawnlo citek uh hi.

Thu kanget leh a gate pi ah vadawp ding ka lungsim ah hong suak ahih man in tuni kava pai hi.

Gate minthang pawl khat ah ka dawp leh “Koi mah ah om nawn ken teh” ong cih san tek uh hi. Ciah mai kulve maw ci kawmkawm in gate khat ah dawp ding in a counter mai, ticket zuaknu’ mai, ah ka din laitak ka phone hong lut hi. Phone ka kiho kal in mi khat in a ticket cancel kik lian hi.

Phone ka khiat teh ticket zuaknu na heh mahmah a na phunphun lai hi. Ken bel ka theipah gige a “Ka Pasian in nasem ei” kaci pah lian a, “Ka nau aw, heh nawn ken; tua aki cancel pen alading a ong pai hi’ng” ka cih leh ong maitai pah hi. Kei zong ka deihdeih ka zonzon muta kahih man in maitai sa in ka ciah hi.

Na khempeuh Pasian’ Khut sung ah om ahih lam ka phawk kik san mahmah hi.

A Khutkuak Sung Muan Huai Hi ! Amen. Pu Thangboi