ZAM Thupuak :: 22 Dec 19 (ZSM kum 10 kibawl)

ZSM kum 10 cin nuamtak kibawl thei

16 December 2019 (Monday) ni-in ZAM Hall ah Zomi Genvai Kipawlna-Malaysia (ZSM) kum 10 cin meeting kibawl thei hi. Pawlpi siate leh Khua makai te hong kihel thei uh a, meeting kipat ma in itna annkuang um khopna zong kinei hi. Hun gelna sa om mah bangin sun 1:00 lian ciangin hun kem Sia Suan Za Kam in hun hong makaih to pah a kihel thei teng tawh “Hong dom sang ta” cih la sa khawm in hun kipan to hi. A zom ah Rev. Khen Za Dal thungetna tawh hun te kipan to hi.

Aban ah ZAM lutangpi Sia Kap Za Khup@Khuppi in thukong hon na leh vai muakna hong nei a, pawlpi siate, khua makaite maitang lah na hong nei hi. Tua ban ah “Malaysia leitang tungah kipawl khawm in na I sepkhop ciangin vai lianpi te tung ah zong kigual zo hi. Tua a hih manin mailam ah zong khut kilen in mapangin semkhawm toto lai ding hi hang. I pankhop sa na te tungah zong lungdam na lianpi kong pulak hi” ci-in hong gen khia hi.

A ban zom in 2019 Zomi Idol Malaysia ah Second Runner Up hong ngah ahi Nu Lennu in lasak na hong nei in tua khit ciangin ZSM lutangpi Rev. Gin Khan En in ZSM tawh kisai in thugen na hong nei hi. “ZSM pen biakna siate makaih na mah tawh 2009 kum in kipan khia hi in tuni dong Pasian ompihna leh mapang khawm in I sepkhopna te hang tawh kikalsuan toto in kum 10 bang hong cing hita hi.

Hih kum sawm sungin Malaysia leitang tung pan hong nusia I mipih, sanggam laizom luang 287 bang kipham a, 2019 sung bekbek in zong luang 28 bang kipham hi. Hih bangin misi khat I neih ciangin han leitang I tansak zawh na dingin mimal 300 in member lutman RM20 hong kihel ciang bek in a cing zo a hih manin mailam ah zong a beisa hun te mah bangin pangkhawm in sem khawm ni. Hi te pen mapang khawm in I sep khopna hang bek mah hi a, hi bangin mapang khawm lo hi zenzen lehang I sanggam te hamsat dongtuak hun ciangin I vai puak hong hamsa mahmah ding ahi hi.

Ahi zongin mapang khawm in I sep khop ciangin vai hamsa pi te na leng zong hong zang mahmah suak hi. Tua ahih manin mailam ah zong a beisa mah bangin Pawlpi te, Khua kipawlna te leh mimal mahmah kipum khat in mapang khawm in nasem khawm ding in kong zawng phapha hi. Malaysia leitang tungah I mipih te sihna tawh I kipelh theih nang zong thungetna ah phawk in thungen khawm ni” ci-in hong gen a, ZSM thukhun puahphatna zong hong pulak khia hi.

A zom ah Sia Joseph Tuan Sawm Tuangin sum sazian pulakna leh nasep zia te pulakna hong nei hi. Hong pai mimal tungah zong sum sazian te kihawm khia hi. Tua khit ciangin 2019 Zomi Idol winner Tha Sing in lasak na hong nei leuleu a, lasak khit ciangin Rev. Thang Za Cin in hong makaih in mipi khempeuh ding toin “I mawhna leh I dah na” cih la sa khawm in tua khit ciang in Zomi bup adingin thunget khopna kinei hi. Tua khit ah a kizom in Rev. Thang Do Khen I thupha piakna tawh ZSM kum 10 cin kikhop nuamtak in kizo thei hi.

2020 ZSM -OB TENG

• President : Rev. Gin Khan En 017-3342760 CENTRAL COMMITTEE
• Vice President : Pa Kam Sian Mung 018-312 2957 Rev. Pau Do Suum (ZCC) : 018-2629245
• General Secretary : Sia Kap Za Khup 016-3838014 Rev. Kham Sian Lian (EBC- KL) : 011-21359265
• Secretary-1 : Tg. Thang Lam Cin 017-3791327 Sia Michael Zam Khan Khai (GGA) : 011-11358075
• Treasurer : Sia Tuan Sawm Tuang 016-2544 093 Sia Thang Lun Mung (ZAC) : 011-37387527
• Accountant : Sm Cing San Huai 017-282 4801 Sia Gin Hau Tuang (VLA) : 012-9793579
• Auditor : Rev. En Cin Pau 018-2551463 Sia Thang Dot Mang @ Sia Maamang : 018 2311365
• Auditor- 1 : Sia Daniel Vum Khan Mung 018-3983110 Sia Thang Zo Mung : 017-6636087
• Auditor- 2 : Rev. Timothy Pau Sian Piang 011-11448687 Pa Andre Kap : 014 3228108

2020-ZSM ADVISORS Tg. Muan Khai (Tuimang) : 01123356850

• Rev. Thang Do Khen : 011-62391996 Pa Lian Lam Suai (Suanghoih) : 01133294887
• Rev. Dai Sim Mang : 016-6157573 Pa Gin Khan Mang (Suangzang) : 0111-1661560
• Rev. Ngin Khat Thang : 010-4274567 Pa Thang Suan Piang (Tuithang) : 016-2543352
• Rev. Thawng Khan Sut : 016-6443011 Sia Gin Tung Nung (Laaitui) : 016-5980160
• Rev. Thang Za Cin : 012-6610046 Pa Thang Phian Mung (Thangnuai) : 017-6462086
• Pa Thang Za Khai : 012-6212447 Sia Dongh Za Thawn : 017-2920827
• Rev. Khen Za Dal : 018-2790869 Pa Suan Sian Sing (Tuitanzang) : 014-2449968
• Rev. Thomas Thang Suan Piang : 018-3566881 Tg. Tuang Sian Mang (Mualpi) : 0111-4380436
• Rev. Peter Dal Khan Lian : 018-2407634 Tg. Thang Deih Piang (Saizang) : 016-3182703
• Sia Simon Pau Khua Muan Lal : 018-238-6204 Pa Pau Khan Mung (Sawbua) : 018-2282540
• Sia Hau Thang : 016-2840189 Pa Do Pau (Pyidawtha) : 0111-7556459
• Sia Suan Za Kam : 017-3610125 Pa Cin Suan Thang (Cikha) : 017-2295960

UN AH APPOINTMENT KILA THEI :

UNHCR zum ah mithak san na a lunggulh te in online pan in appointment kigen thei hi. Hih pen ei mimal tek in I om na mun pan in lak theih ding in hong ngelsak uh hi a, ahi zongin ei leh ei lak ding lem a salo te in I kipawlna ahih manin a thusau pi ding tawh gel khol ding kisam hi.

Tua ban ah hih appointment ngetna ah I zat Phone No. te pen khel thimthum loin hoih tak I zat ding kisam hi. Ei Zomi te sungah phone No. a nawh khel mahmah om a, tua bangin I khel leh UN pan appointment hong pia in hong sap ciang contact ngahlo in om leng midang supna hilo in ei mahmah I supna pi suak ding hi. Tua ahih maninzum ah I piak sa contact No. te it in kemcing ding zong thupi hi. Hih online pan appointment lakna ei leh ei a la nuamtein ; http://www.refugee-malaysia.org ci-in Google ah at leng hong suak pah ding hi.

Innkuan lutpih nuam a ngah thei nailo te zong online pan in appointment kila thei hi. Ei leh ei a hih thei lote in zong kipawlna zumte pan zong nisim in kihih sak den hi.

ZOMI CUP OM DING

Kumsim I neih ngei mah bangin Zomi Nam Ni muakna in I neih ZOMI CUP zong nasia tak mah in kibawl ding hi. Zomi Cup 2020 lutman pen team khat ciangin RM 1000 hidinga, Deposit RM 400 mah hiding hi. Champion a ngah te RM2500 + Cup + Medal, First Runner Up a ngah te RM1500 + Medal le Second Runner Up a ngah te RM1000 + Medal hiding hi. Ki mawlding ni pen January 24-28, 2020 (Sen kumthak sung)sung hi ding hi. Kimawl ding hun leh a mun te a hun zui in hong kizasak toto lai ding hi. Hih Zomi Cup ah Khua Kipawlna min bek tawh kilut thei ding a, pawlpi leh min dang tuam tuam tawh kilut thei lo ding hi.

2020 ZSM LAIBU KINGAH TA HI :

Malaysia zomi Genvai Kipawlna (ZSM) 2020 ading ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, a dah akap hun ah a khitui anulsak na hi gige hi. Hih ZSM ah member na lut na in nang a ding a pia na hikei a, panpihna akisamte a panpihna hizaw hi. A kisam khat I panpih na in Pasian deihna zong ahi hi. 2019 sungin zong tu ciangciang Zomi pih te luang (28) bang lei ah I tuh theihna in nang leh kei I pankhopna ahih bang mahin mailam ah zong mapang khawm lai dingin zong kong zawn phapha uhhi.

PILVANG TAK IN OM SAWM NI :

Tuhun laitakin kimat kihen hong tam mahmah a, Malaysia kumpite in a gam sungah phalnalo tawh om mi tampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawi kawi ahih manin I omna ciat ah kidawm tak, pilvang tak in om ding hanciam ni. A thukin lua mahmah ahih kei leh vakvak kei zaw ni.

A diakdiak in Immigration te leh CID te uniform silh loin vakvak uh a, tua tungtawn in pawl khat in sum zon na in hong nei beh lai uh a, hong pang kawikawi in tampi pi tawh hong kitan sak uh hi. I vak suk vaktoh na ah kiim leh pam zong hoih takin I et theih ding hong thupi mah mah hi. I omna veng kim veng pam ah zong gam tat zia om zia te hoih tak kidawm ciat ni. Mite mitdong ding leh midangte a nawngkaisak lo dingin kidawm ciat ni. Kimat kihen bek hiloin migilo zong tam ahih manin I kim I pam om zia hoihtak telpha in gamta ciat ni.

Na sepna ah thunei te in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hihi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. A zenzen in kimat kihenna khat natuak leh ZAM zum ah hong zasak pah in. Nang ading in a ready sa in om den uh hi.

WELCOME TO ZAM :

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuam tuam piakna nong neih na dingun kong zawn phapha uhhi.

ZAM ZUM AH HONG HAWH

Sezang khuami, Magwe Region, Salin ah mission sem a om Rev.Suang Za Nang in Malaysia hong zin sungin Zomi te a it a vei na tawh kizui in ZAM zum ah hong hawhin thapiakna leh ZAM zum pan san in Zomite ading thunget sakna hong nei ahih manin lungdamna I pulak khia hi. Topa’n siapa hong zat sak semsem lai ta hen.

ZEC-TALALLA LEH ZEC-MAHARAJALELA SANG PAN ZAKSAK NA

ZEC-Talalla leh ZEC-Maharajalela sangah a kah nuam sangnaupang te in 23-24, December2019 nite ah sang kiap thei ding a, 06 January 2020 ni pan in sang ah kilut thei ding hi.

Hih sang vai tawh kisai in telbeh nop a om leh Contact : Sia Pau – 016 359 2048, Sia Mung – 018 220 3513

ZAM ZUM KIKHAK DING

Hong tung ding December 25, 2019 (Wednesday) pen Christmas ni ahih manin ZAM zum kikhak ding hi. December 26, 2019 pan in a ngeina om bangin kihong kik ding hi.

UNHCR ZUM KIKHAK DING

Hong tung ding December 25, 2019 (Wednesday) ni pen Christian te ading ni thupi khat ahi Christmas ni ahih manin UNHCR zumpi kikhak ding a, December 26, 2019 ni pan in a ngeina bangmah in kihong kik ding hi.

TUKAL SUNG ZATO LAM BUAIPIH TE

• 1. Suan Sian Sang (Mualzang) IPR leh ACTS ah
• 2. Kam Sian Khual (Vangteh) ACTS ah kibuai pih
• 3. Eng Deih Pau (Pyidawtha) ACTS ah kibuai pih
• 4. Ciin Bawi (Vangteh) ACTS ah kibuaipih
• 5. Huai Kim (Buanli) Lourdes Medical Center ah kibuai pih
• 6. Gin Suan Mung (Pangmual) IPR ah kibuai pih
• 7. Dal Deih Piang (Kawlpi) Shah Alam Hospital ah
• 8. Cing Lam Nuam (Haupi) Subang Jaya Medical Center ah kibuai pih
• 9. Cing Lam No (Sakhangyi) PPUM ah kibuai pih

ZATO LAM TAWH KISAI : Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH TENG

• 1. Dal Khan Sing (Ngalbual) Kajang thong ah kimuh pih
• 2. Thawn Tung Thang (Nahnuai) Maleka Immigration ah kivan pih

KIMAT KIHEN NA TUAK LEH

Zomite kimat kihen natuak zenzen uh leh hih phone no. te ah na hopih pah in. Nang adingin atawn tungin kiging sa in om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

ZOMI TE ADING NASEP :Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite ading man ngenloin na sep kizon sak den hi. Contact – Sia Mamang – 018 231 1365

LUNGDAM KOHNA

1. Zomi Taangmi thungen pawl RM-50 Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi bangin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.