Video khat kizaih manhding Kawlgam sumteng tulsawmguk val tawh a kicial Jackie Chan

Video khat kizaih manhding Kawlgam sumteng tulsawmguk val tawh a kicial Jackie Chan ~ AS Thangbawk

1954 April ni 7 ni in ka nusungpan ka suak hi. Ka suahma in siavuan te in ka nu kiangah ‘na gilsung a na ta pen lian mahmah a hihmanin nausuahna haksa mahmah ding hi’ ci in gen hi.

Nausuah na dingleh siavuan cialman sumtampi bei ding a tuapen ka pa in neilo hi. Tua ahihmanin siavuan pa in ‘na ta kei hong pia inla a mawkna in zato man, nausuahman hong piaksak ning, dollor 500 zong hong piakbeh ning’ ci in gen hi. Tua hun a’dingin sumtampi a hihi.

Ka nulehpa te in ngaihsunsun uh a, ahizongin thukimlo mai uh hi. Ka nu in kum 40 a phakciangin hong neih a tacil leh a tatawp ka hihmanin hong it mahmah hi. Ka suah ciangin pound 12 gikh ka hihmanin news sung nangawn ah ka man ki suaksak hi.

Ka nulehpa in hong it mahmah hi. Ka pumpi a liat khit hangin kum 3 ka phakdong ka nunawi ka teplai hi. Zingsang ka thawhciangin ka pa in martial arts tawmtawm hong hilh den a nuam kasa mahmah hi. Nikhat ka pa kiangah ‘pa, kei leng thei nuam’ ka cihleh ka pa’n bangtan a sangin? hong ci a ‘vandawn a aksi tantan in? ka ci kik hi.

Ka pa honghilh martial art tawmtawm tawh ka innveng naupangte ka vua kha zel hi. Kei a gilo hilo in hong ki simmawh ciangin a thukkik ka hibek hi. Ka omna pen gamdang Ambassors te huangsung hiaa, tua mun ah ka nulehpa tawh nasem a hihmanin tua mite lakah a ki gilo ngamding hipeuhmahlo hi.

Ka ki laina khat ah mikhat in ka khe hong kai in ka puk a, ka dekleh suang kitat in sisan luang khia ziahziah hi. Banghangcihleh kei khatbek hia, ka langpen mitampi a hihman ahihi.

Tuahunpan ki pa ka pa in miliante’ tate tawh ki lai nawnloh dingnakpitak hong kham hi.

Gamdang miliantate lak ah om ka hihmahbangin kei Sente pen kua mah in hong ki mawlpih nuamlo hi. Tualaitak Piantit Ambassadors te tanu kei tawh ki gualkhat in hong itbawl citciat a tawh ki ka kikhawl uh hi. Tua nu a hehsak, a nawngkaisak a omnek leh ka vua pahpah hi.

Ni khat ka mivuakpen nakliam lua ahihmanin ka nulehpa te lau mahmah hi. Banghanghiamcihleh a nasep ki khawlsak kha ding ahihman a hihi. Tuaciangin ka vuak mipa leh a innkuanpihte mai ah lukun in ka thumkik hi.

Kumtawmkhat hong pai to a, sangkah ding hita hi. Khe tawh taitampi ki pai ahihmanin ka nu’n sunsiah limtak hong guansak hi. Tua sunsiahte sang ka tunma in bei den hi. Nitak ka ciahciang mortor ka zuihna ding sum hong puaksak pen zong sun in bei khin zel hi.

Nitak ciang mawtaw nungdelh in mawtaw tung ka kahto hi. Kua mah in sum hong la ngeilo bilbel hi. Nitakkhat mawtaw omlo a hihmanin ka tunhak dinglah lau in lamdawt tawn in, sing tung suangtungah ka tai zalzal hi. Lamdawt ka cihpen lamdawt na hilo mawk hi. Singtung ah ka lenna khat ah awk ka hihmanin ka pa’n hong kan a, tua munpan hong lakhia hi. Nuamhetlo hi.

Mihaute tate vive tawh ahihmanin tua naupangte’n ‘hei, sum neilo pa, inn nasemte tapa, ka mawtaw nungah hong tai ve’ cihdangin hong zahpih mahmah uh hi. Tuabangmite a zingciangin vuakding in ka ngaihsun hi. Ahizongin kei khatguak hi in, a mau mitampi a hihmanin ka su ngamkei zel hi.

A tawpna ah sangtawp ding ka ngaihsun hi. Ka nulehpa in zol ci pi in hong zol in sang ka pai pong zel sam hi. Ahizongin sangsungah lai en ngeilo, ka ut bangbangin om ka hihmanin dann ka tuak den hi. Tutna lamto sa in sunthapaipai sia te’n dan hong pia hi. Siate leh sangnaupangte’n ciamnuihna in hong nei ta hi.

Ka ngawng ah lai hong at sak in’ laibu mangsak pa, innlai bawllo pa, laisimtheilo pa, ki manna neilo’ ci in hong gelhsak hi.

Ka sangpuan te ninbung sungah koihzel, ka thungip zong ninbungsungah om zel ahihmanin a tawpna ah ka nulehpa te’n tuasangpan hong khawlsak a, ka kipak mahmah hi.

Tuapan Sen ngeina sangah hong paipih hi. Tuasangah lasakdan, lamdan leh martial art te kisin hi. Ahizongin lai peuhmah ka sim nuam kei a, sangnaupangte ka philhphit ma un tuasangpan kum 1 sungin sangsia tampi paikhia hi.

Sen lai a hiaa, mailai a hizongin ka at thei kei hi. Ka liatkhit America ah Movie ki zaih dingin ka pai ciangin mi’n credit card bekbek zang uh hi. Ken ka zangthei kei pah hi. Puankhat ka leinop nanawn lai ka theihlohmanin lei theilo ka hihmanin tuapen pilna hi ka ci kei hi. Ka neulai ka ngaihsun kik a ka kisikdan genzawh hilo hi.

Mikhat in a min hong genpen lai in ciamteh theilo ka hihmanin ka maizum mahmah hi. Kei min nangawn kiciantak gelhtheilo ka hihmanin ka kisikkik mahmah hi.

Ka lawmte khat in ‘Jackie Chan aw, tuahun lai in laihanciam in, laipil hilecin hiciang tung kei niteh’ hong ci hi. A thugen a man dinghiam ka thei kei a, ahizongin mizawng huhna, khangnote tungah thugenna ka ngahciangin ‘sangkah hanciam mahmah un, sanglai hanciam mahmah un’ ci in khawltheilo liangin ka gengen hi. Mailam ah khangno te tungah ka genpen ding thukhat a hihi. AS ThangBawk