Vanglian Pasian eite lamah hongpanglo hizen leh

Vanglian Pasian eite lamah hongpanglo hizen leh

1. Kawlgamah State & Division (region) kigawm (14) om aa, tua lakah Zogam azawng pen ahi hi. Ahizongin, Zogamah khutdawhngen (beggar) omlo hi.

2. Zogam ah Vanlengtual (airport) leh kultal kizuut lampi a omloh hangin Zomite Pasian hawktui in taikhia aa, Zomi te’n leitungbup kimkot uh hi.

3. Zogam ah pilna sang sinna (higher education) College leh University sangpite a omloh hangin Zomi te’ innkim phialah lukhunelkai kisuang demdamin, doctorate degree ngah theihzawh hinawnlo hi.

4. Akhangkhangin kumpite leh gam makaite in Zogam leh Zomi pampaihin a netniam uh hang’n Vanglian Pasian in Zomi leh Zogam hubitin aangvan aa ompih tawntung hi.

5. Mite in Zomi leh Zogam daisakin a simmawh tetek uh ciang’n, Pasian in Zomi te laamto semsem hi.

6. Zomi te a kikup uh teh “ei Zomi te bel tualniam lai mahmah mawk hang ei,” a ki cihcih uh hangin minam dangte’n Zomi te hong naakkhantoh mahmah ta mawk uh ei! ci’n kiho sim khuankhuan uh hi.

7. Zomi te amau leh amau ki tawngtawng uh ki it kei sam uh ei ih cih leh a ki itlua uh na hizaw mawk!

8. Zomi kipawlna tuamtuamte zong a sunmang agengen pong mawk uh (idealists) ih sak khak leh a sem tatak (realists) dingin hong kithawi mahmah ta uh hi.

9. Zomi te a khenkham nuam kiim leh paam ah khuaikhasing bang hethut uh hi na pi’n Zomi te’n unau laiguizom sisan khat hihang cih telta uh hi.

10. Kuatu kuata in Zomi te bawlsia in a nenniam zongh Vanglian Pasian Zomi te’ Pasian in hubit in laamto veve lai ding aa, amaute kisiazaw tham ding uh hi.

*** “ Mite in ih mittang khelkhia-in ih satak thagui thatang teng balneen-in satzan ding uh aa,ih guh ih tang nangawn kimu nawnglo ding hi,” Vanglian Topa Pasian eite lamah hong omlo hizen leh maw!!! Agelh: Bob Tuangpi