Turkey gam ii khuapi ahi Ankara ah Sunday ni in Suicide Car Bomb puakkham a, mi 34 in sihlawh in adang mi 125 te limliam mahmah uh cih AFP News in pulak khia hi. Hihpen Turkey gamsung ah tunai adingin ahuaisia penpen kisuamlupna ngongtatna zong hipah hi.
Bomb puahkhapna munpen Kizilay Square kici vanzuakna gei aom Bus Stop khatpan hi a, mipi tammahmahna munpan in Suicide Bomb aki sukham ahih manin tampitak in asihlawhpah ahihi. Nungdiak February 17 ni inzong Car Bomb Suicide omngei a, mi 29 si ngei khinhi.
Zandiak mahin Suicide Bomb aomkhin pen hihbang in khatvei hong omkikpah ciangin mipi te’nzong Turkey kumpi ii Security lakzawhlohna mawhsak mahmah uhhi. Adiakdiak in Turkey gamsung aom Prime Minister’s Office, Parliament leh Foreign Embassy tuamtuam tetawh akinai theithei in Suicide Bomb ki sukhamzelzel a, hihbang in agamtangtang tepen IS leh Kurdish Rebel te hiphadiak kici hi.
Health Minister Mehmet Muezzinoglu ii genkhiatna ah asi 34, aliam 125 hi a, aliam te lak ah mi 19 pen lam etna tawmmahmah cihi.
Asi aliam teng khempeuh zato mawtaw Ambulance tawh manlang takin zato mun 10 ah kipuak kawikawi hi.
Asi aliam tampi aom banah akiim apam aom vanzuakna innte zong limsiat mahmah cih kiza hi. ZD Sawltak #zomidaily
Comment piaknop aomleh...