Tulai Lamka thuthang toh kisai athu chiangjo

Tulai Lamka thuthang toh kisai athu chiangjo

Ni bangzahhiam paisa apan in Chiengkonpang khosung ah ganhing’ tung a thiltung mulkimhuai chituamtuam om hi.

*1. October 27, 2018* (Kiginni), zinglam dak 1 apan dak 3 kikal in Mr Pautinkhuol-te’ vatawt 5, a ngawng uh kilehhek leh kibottan, a sisa a muh himahleh a sisan kaikhia uh muhding omlou hi. A Nahtang lawklai uleng bohkhiak a om hi’n thutut kingah hi.

*2. Huai nitak mah* in Mr P. Samuel-te’ ak 3 vel singkung sangtak a giakte a ngawng uh kilehhek leh bohtansa a muhkhiak in om hi.

*3. October 29, 2018* (Seppatni) in Mr K. Thangkhomang-te’ vatawt 4, asungteng verandah ah taihsat a om in, a taksapum dangte uh muhding omlou hi. A mulneng leh a sisan leng muhding omlou hi.

*4. October 30, 2018* (Sepnawnni) in Headquarter Veng a om Rev. Soikhogin-te’ vatawt 4, a ngawng uh bohtansa a muhkhiak in om hi.

*5. October 31, 2018* (Nilaini) in Mr Mangpu of Khamkhokai Road-te’ Vok tuukli vualding a lian, a veilam khe-vun kikhoksa a om in; vokkul sung ah a sisan muhding omlou hi.

*6. Huaini mah* in a inkongte uh, Mr Kamngul of Khamkhokai Road-te’ ui a nungzang khuatkehna ma muhding om hi. A ui pen a kawnglak diklou in hoihtak a leng paitang theilou hi’n thutut kingah hi.

_Hiai thiltungte a kipan khosung a ui vulh a omte zanchiang in inkong ah giak nuamlou in innsung beelzel uhi. Thiltung toh kisai mihing’ khutnung ahih gintak-huai lou hi’n mi tamtak in gen uhi. YMA Chiengkonpang Branch leh Village Authority in panla uh hi’n Mr Songtinpau, Secretary, YMA Chiengkon Branch apan thutut kingah hi._

*7. November 02, 2018* (Sintawpni) zan in Mata khua ah ak khat bawlsiat leh sisa a nutsiat a muh in om.

*8. November 03, 2018* (Kiginni) a WhatsApp Group a ki-post kimu *’Ccpur Chiengkonpang Area thusoh’* kichi Home Dept., Kuki Liberal Society (KLS) min a thusuah in a genna ah mihing hilou, lu lian lelu leh akhut mul thelthul khat gamtatna hidan in gen ua, maban a panlak dingdan hanmual committee/cemetery board Chairman Pu Jn Mate khut a pehkhia chi uhi.

*9. November 03, 2018* (Kiginni) zan in Pathian thu zang in Chiengkawnpang khosung siansuahna neih in om hi.

*10. November 03, 2018* (Kiginni) zan in Red Cross Road ah uinou tampi khoih in om nawn.

*11. Hiaizan mah* in Zomi Colony a pa Khamchinlam-te’ inmai ah voknou lu khat nawtsiat in om hi.

*12. Hiaizan mah* in Immanuel Khopi a Upa Thonghang-te’ vatawtte a kam balsa a nawtsiat in om hi.

Video: Mysterious Beast kills several livestock in a rare ‘surplus killing’ spree | Lamka, Churachandpur

https://www.youtube.com/watch?v=u9kuO5KL4-o

*13. November 04, 2018* (Nipini) in Lhangnem khua pa Thanglianmang Zou’ tenna inn ah nitak 08:49 pm vel in a Vok uh haam a, anaupa’n torchlight toh delh ngal in light a asalhleh gamsa ui sang a lianzaw nih in a vok uh ana nek sawm mu uhi. Amau le kikou ua khosung tangval atheikha teng toh adelh uleh delh phalou in taimang hiau chih ahi. Gamtangsek leopard 🐆 hiam Tomi hiam hidi’n gintakna nei uh.

*14. November 05, 2018* (Seppatni) in IB road ah ava lenkhopna ah tu zingkallam dak 2-3 lakvel khawng in ui dandeuh lian-a lian ui tampi in delhsuk a abouhdet uh New Bazar lam ah taisuk. A mutu (omega clinic mai ah om) in agal gamla apat a muhchu hi. Huai a thilmuhpen Mission Road khangzek a Synod-te’ biakinn mailak zek a street light vaknuai a amuh ahi.

*15. Tuni mah in* Phailian ah tangvalte’n Tomi mu ua, adelh uleh fencing kaan in taimang hi. Huainung in Phailian khua mah ah New Pangsang kho hausa-te inn a meihol koihna ah voknou a kimkhat omlou muh in om. A voknou neitute inn apan 70 metres khawng a kigamla ahi. Hiaithu Police leh Vety. Dept. in suizuilel chih ahi.

*16. November 06, 2018* (Sepnawnni) in Dorcas Veng Biakinn kianglak ah vatawt kikhoih sisa muh in omnawn.

*17. November 06, 2018* (Sepnawnni) in IB Veng a om pa Pauneisiam-te’ vok kikhoih sisa a muh in omnawn. Police in suizuilel kichi.

*18. November 06, 2018* (Sepnawnni) zankal in pa Khamzamuan-te’ zohngeu nou kikhoih sisa a muh in omnawn.

*19.* A kizomvek hia chih kithei kei mahleh khaap (footprint) dia gintak pawlle muhtheih in om hi. (WhatsApp a kimute kaihkhop ahi.)