USA, Michigan pan Tg. Lam Khan Kim (Tedim, Thawmte) in hongnusia

USA, Michigan pan Tg. Lam Khan Kim (Tedim, Thawmte) in hongnusia

Mangpha Tg. Lam Khan Kim (Kum 32) Thawmte Beh – Tedim Sakollam aa khang khia, Battle Creek, Michigan State USA aa ateng Tg. Lam Khan Kim in abeisa January 16, 2022 in Sunglam damloh na tawh hongnusia chih thu izak man in ZIUSA kipawlna mintawh dahpihna i pulak hi.

Tg. Kim Pi pen Zomi te kipawlkhopna Battle Creek Zomi Innkuan ah member khat leh ZIUSA Genvai member pom ni 10/31/2020 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Tg. Kim Pi luanghawm tawh anunungpen hunzatkhop ding hong tungding Saturday January 22, 2022, 1:00PM in Zomi Baptist Church Battle Creek makaihna tawh, Funeral Service bawl khit ciang, Rev. Lian Deih Mung in han ah vuina nei ding hi.

More: USA, Nashville pan Rev. Eddie Ngin Hang (Mualzang, Thawmte) in hongnusia

Tg. Kim Pi hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)