Tedim khuapi ah (25 August)

Tedim khuapi ah (25 August)
Thu tawmno khat tawh ka zomi pih teng hih laitawh na dam kim un ci-in
hong hopih masa ingh.

TEDIM KHUAPI AH – Ih theihsa tek mah bangin guahtui tamna hangin,
kipawlna tuamtuam pan haksatna tuakte adingin panpihna kipia tek hi.
Mun tuamtuam a omte mah in ih mipihte ih veitekna hang ahih manin
thupi in, ih kipumkhat nopna hong kilang mahmah hi.

TEDIM KHUAPI AH – Ih tuahsiatna hangin HUHna piakna piak pen Hih
theihzahih ZYA – Tedim in ma kipangin paizawhna ahih zah ciang zong
vakipha thei hi. Hih tawh kisai ih phawk ding thu khat in, ZYA – in

TEDIM KHUAPI AH – nek ding antang hong haksat ciangin, sianggen leng a
neite na ngawnin zuaklo in hong selcip tak ciangin, Mizo gampan
kivaikhak a, a puak man laloin kizuak masa hi. Tua nungah, hong tunbeh
a nih vein ate pen Tedim hong tunna tawh kizuak ahih manin, a masa
sangin, hong tam man zaw hi. Tua pen lungsim picinglo pawlkhat in ZYA
in sum meet bawlna in zang hi ci-in kigen a, Face book nangawn ah
kisuaksak hi. Hih thu pen TEDIM KHUAPI AH – a tengte na dong le uh cin
a thuman hong gen ding uh hi. Dongtuahna ah ZYA – Tedim in mun hong
lak mahmah ciangin nidanga kipawlna a omsate in a ngaihsut zah un sum
ngahlo uh ahih lam ZYA in kitel mahmah hi. Ahi zongin cillum tawh
kivalh in kimaisak a, Pasian leh amau kisaisak mai ni kici hi. Face
book a a at kimtuang bang pen ka gei vuah om leh hoih takin Pasianthu
bang kihilh phot leh bang ahoih ding thu hi ci-in ZYA in ki ngaihsun
hi. ZYA – Tedim phatnop luat man hilo in, Antang sai ah hong haksat
ciangin hanciam in a kizuakteh, Tedim ah a neisa te in antang hong
zuak pan uh hizaw a, ka phawk khat ah, Mizo te in Line bus tuanman a
khiap ciangin, privates te in niamnuam lo in khuasung a line bus te a
khawl ciangin, a maukumpi mawtaw te zang khia uh hi. Tua nung ah
privatete in zong a mau a zat kik loh uh phamawh in kumpi mankhiapna
tawh hong tai kik uh hi. Tua mah banga, ZYA in antang hong zuaktakteh
saite in zong hong zuaknuam pan uh ahi hi.

TEDIM KHUAPI AH –
ZYA – Tedim minsia saknuam in a leitang tung aa, a teng pawlkhat mahin
zong susu uh a thu tuamtuam gen uh hi. Ahi zongin Pasian leh mipihte
in muang mahmah hi cih pen kitel mahmah hi. ZYA – Tedim pen pawlkhatte
bangin, Pasian nasem pawlkhat leh Sumbawl pawlkhat ii kipawlna hi a
cibang om liang hi. Mipi a ding ngaihsutna ahih manin ki hehsawm
khollo lel hi.

TEDIM KHUAPI AH –
Tu laitak galkap
tualpi Sia Thangpi in ziiksak kipan a, hong zo leh pen nop ci kha ding
hi. Mailam ah kimawlna zong nuam dingin kilam en hi. Galkap kipawlna
te zummai lamlamte zum lam paitohna a kawipi zong kila khia a, cycle
mawtaw a dingin lauhuaina tampi tak hong noptuam sak
hi.

TEDIM KHUAPI AH
– Ni kimu mello in ih hek dan hong nuam
mello a, buukkhuh vei zong hong tam deuhdeuh hi. Kawl leh Tedim lampi
hoih taktak nailo ahih manin, van kipua theilo a, inn lam pawlkhat
bang a khawlphot bang aom hi mai hi. Van pua mawtaw pen Jeep leh Dyna
ciang hiphot a, van puakman pen hong tamzaw deuh pah hi. Ahih hang
mawtawpite hong pia thei leh kiam kik ding in ki um mawh hi. Mailam
hun sepkhop bawlkhop ding a nai a gamla ah a om ciangin ZYA – Tedim
tawh na semkhawm ni cih hong zawn nuam ing. Tua banah mun tuamtuam a
ka zomipihte aw, Tedim khuapi sungah, ama angsung ding khualna tawh
huhna hong ngen om kha ding ahih manin hong pil vang un. Neih man lam
man a na piak uh hilo ahih manin, kipawlna khempeuh zong hong um nawn
dah un cih hong vaikhak nuam ing. Khialna a om leh kitheisiam
ni. Tplian,skl 0933395577

TEDIM KHUAPI AH
– Ih dongtuahna hangin, huhna/ panpihna hong paisa ban
ah, Mizo gam pan in zong antang in 200 leh, Dailuahip 8 hong tung
dingin hong om khin ta a, tua pen, Shalom te vaihawmna dan hihtuak hi.
A thuman, thucing ih theihnop leh, Shalom leh, ZYA – Tedim te dong
lehang hoih dinghy.

TEDIM KHUAPI AH
– Ih dongtuahna hangin Tedim Myone bup bek hilo
Tonzang ah zong ZYA Tedim in hih theih zahin na kisem a, tua mah
bangin kipawlna tuamtuamte in zong kisem tek hi. Ahoih pen ding
keimuhna ah, ZYA – Tedim thahat ta kei leh,panpih piakna tawh kipawl
pen a phungpi hi hen la, Sakollam Social Society, Lawibuak khangno
kipawlna, Leilum khangno kipawlna cihte leh a dangdang kipawlnate pen
zattangzang hileh hoih kasa hi. Ahi zongin, ei pen makai ki-ut tek
ahih manin hong hi theilo cih dinghimai TEDIM KHUAPI AH.

TEDIM KHUAPI AH
– Ih dongtuahna hangin, Dongtuak pawlkhat Kamhau
tualpi ah, buuk tawh om uh a, pawl khat Sakollam “Tuiphum biakinn
huang sungah omlai uh hi. Mailam thuneite in a omna dinguh vaihawmsak
ding kigen ngeingai phot hi. A taktak teh kizasa kik ni. Dongtuakte an
nekpih khawngzong kiom kawmkawm ahih manin, zomite ih kilainatnate
kimu mahmah hi. Tedim leh kawlpi pen lampi anuam nailo suak phot hi.
Zomite ei leh ei dingin, ih lampi bawl leng sum bei teng gamsung
gampua ah zong leng hoih ih sak leh ih omna tek pan zong kikum leng
hoih sa ing. Thuneite ngak lo in, ei kipumkhatna lahkhiatna dingin ee,

Zom zel ni maw leh.
Tplian. Sakollam ,0933395577