Tedim KBZ Bank Sumkoihna ah mitamlua

Tedim KBZ Bank Sumkoihna ah mitamlua

Tuzing 9:45 Am in KBZ bank ah gamdang pan hong kikhak sum tawmno khat thoh ding in ka pai hi.Mitamlua mahmah a hihman in bank innsungah zong kitalo zah dong phial in, tutna awng nawnlo in ki om aa, a pualam na ngawn ah tampi in ngaklai hi.

9:45 Am pan ka ngak pen sun 1:15 Pm pan sum ka thoh theipan hi.Ka ngak hun sung nai 3:30 sungbang sawt mawk hi. Western Union pan kikhak theihma khawng in kawlpilam zuatsuk tangtang kul hi. Tampi phattuamna hong pia mah hi.

A hi zong hizahta kulliang aa theinak haingak aa i ngakliang pen bank nasem(staff) kicing lo hiam ci kha dekdek phial ingh. Yangon lam-ah zong mitam cihtak a tam pen nailang (half an hour) kan ki ngak lo hi.

Hun sawtlua lawmlawm i ngak ciang i lung peuh tom thei cih man bek hi. KBZ nasemte a vekpi un maitai in thusiam thei mahmah uh aa a maitang uh i muh ciang zong ki heh ngamlo in i tawl hong damsak hi.

Mite in bel sumhau thei sa mawk ingh.

Mawtaw Lampi

Pasian thupha tawh mawtaw a nei zo ki om kiukiuta a hihman in,Tedim lawibual veng lamzang lamka,Ciau paina lampi munteng pen lampi neu mahhmah ta hi.Lam kawina lian mun bang-ah mawtawi pei 12,10,6 te pawl bang a kawi ding ciang ki ngak phot kul hi.

Khuakhalhun sung bang lampi hoih zawdeuh a hihman in Tedim khuapisung a tawn mawtawpi mawtaw neu leh saikel tam zawthamlai hi.Lampi thukhun lah kizui khollo a hihman in, a kitaih zong om zelzel hi.

Mualpang lamka (Myoma) Palik zum nuai teng tuipaikhiatsakna kibawl laitak hi.

Ak Kitu Sak

Leitungah ak kitutsak a uk phadiak gam pen Thaigam leh Kawlgam hi phadiak hi.Thaigam ah zong sum tampipi ki kham in ak na kitusak uh hi.

Kawlgam (Zanggamlam) ah zong aki kitusak in sumtampi ki kham uh aa, buaina tuamtuam zong na piang zelzel hi.

Zogam ah zong ak kitutsak a uk tampi ki omta hi.Sum 700000Ks bang ki kham thei uh hi.A uk vanglakte bang in gungal dong nangawn saikel tawh paipih in va kitusak uh hi.

Ukna(hobby) i cih zong sih dong a bei lo hi zel a hih ciang ki theihsiam ding kisam.

Neisok Pak

Pak namcin zatampite lakpan “Neisok” pak pen sawt a pak pen paknam khat ahi hi.

Pak dangdangte sungah “Phuitong” pak bang en pak leng sawtvei paklua khollo in, tehno hong suak aa, gah hong nei ziau hi.

Neisok pak Pasian in Zogam hong zeepna leh Zomite hong tawisanna pak cileng kikhial lualo ding hi.Keen leh guam mualdawn tengah thalawptak a hoihna sitlo in hong pak silsial lel hi. Tedim Municipal