South Korea President Park lawmnu tanu kiman

South Korea President Park lawmnu tanu kiman

Dec. 2, 2017: South Korean President Park Geun-hye in a gam vaihawmna “state affairs” ah a kigolh in, Park’ tawh a kilawmtatna hangin sum tampi laikhia hi ci-in South Korea president a thanghuai gamtatna gamta (scandals) hi ci-a ngawhna piangsak leh President kipaihkhiatna (impeachment) nangawn a piangsak Choi Soon Sil’ tanu Chung Yoo Ra kici Denmark ah kiman hi.

Chung Yoo Ra pen zan in Denmark gam-a Aalborg khuapi ah kumpi phalna lo tawh Denmark ah om hi ci-in zan in allegal stay ngawhna hang tawh a kiman ahi hi. Chung Yoo Ra pen ni dangin zong national equestrian team sungah member in na kihelkha ngei a, a nu leh President Park kilawmtatna zangin Seoul-based university panin deihsakna (favours) zong tampi na ngah hi ci-in Yonhap news in suaksak hi.

Special prosecutors ten South Korea president scandals kikanna vai-ah thukan ten Chung pen thudot dingin sam napi un thudon lo ahih manin Interpol in Chung “wanted list” in a koihna dingin ngen hi ci-in Yonhap news in gen hi.

Yonhap news in Park a interview na zan in suaksak a, tua-ah Park in thu a man loin thu a kisuahsakna leh upmawhna man lo thuak (victims) hi ing ci hi. Park in Choi tawh hong kingawhna bangin kizopna ka nei kei uh a, Choi in gamvai thu-ah bangmah hong thuzawh ngei lo hi ci hi. Choi pen tu lianin koimah a taimang thei lo dingin a kikem ahi hi.

More: Hollywood pen “Hollyweed” tawh kumthakni kilaihsak sese

Nung kha-in President zaa panin National Assembly in Park paai khia uh a, hong tung ding khate ah President zaa panin paih suak ding hiam cih Constitutional Court in thukhenna nei ding hi. Tu lian in Prime Minister Hwang Kyo Ahn in acting president zaa tawh len khawm hi. Source: News agencies/ Thang Khan Lian