Singapore gam innteng nungak khat tungpan laikhak

Singapore gam innteng nungak khat tungpan laikhak

Singapore ka om lai ka thuak khak thu pawl khat: 13.6.2015 kum in Singapore ka tung ah inn 2 na sem in ka om hi. Ka innteek te in ka lut cil ni in an ne ding in sabuai pan in thu ka nget leh ka pi in ka thu nget lai hong khawl sak in hog pai khia sa in, hih ka inn ah na om sung in thu ngen kei in ko deih lo hi ung ci in sabuai pan in hong pai khia sak hi.

An nek ciang in a sa meh uh a mau ne in tua teh kei pen an teh meh bek tawh kawlgam a zawh ngeu an i piak zah ta khawng hong pia ziau in ni sim in gil kial in ka om den hi. ka gil kial luat man in a mau nek ding a a koih uh pongmoh pumkhat pen a pang pan neu cik ta eu sim in ka nek sim sak hun tam pi om hi.

Hak sa sa in thuak hak sa lua ka hih man in, zan ka ki sil teh ka pumpi leh ka puante a manlang thei pen in sil in ka ki sil na khan sung ah thu ka ngen sim den hi. An nek ding, ka lup ding hun leh ka thawh hun teh nuam tak in thu ngen thei lo in ka om hun pen leitung ah haksa ka sak hun leh kamsia ka ki sak hun pen a hihi.

Zan hi leh nai 11:00pm sat khit ta ah lum in zingsang hi leh Nai 5:00am pongman in tho in khat veivei nai 3:00am hun in ka thawh hun zong om hi. Hih te khempeuh haksa sa thuak hak ka sak hang in inn lam a mi nek bang zong a ne zo lo ka nu leh ka pa te leh ka neu a ki pan ka ut mahmah a hi, ka veng a mi ci mawh te ka huh nop luat man in hak sa sa pipi in kum khat val ka om hi.

Kum khat bang ka om khit ciang in an kham loh hang kakhe te vot in ka gil te na in na ka sem zo nawn kei hi. Kawlgam pan ka pai in Kg 52 hi in singapore pan ka ciah kik tak ciang in Kg 39 bek ka pha hi, mite in ka gawn luat hong muh ciang in a hoih lo lam in la in a pu ten om pihpih hi in teh cih khawng in mawk ciak uh hi.

Tua hi peuh mah lo hi an kham lo ih mut cim loh hang leh A tamzaw i lungsim pen i pi te i lau luat na hang in 100 ah 94% pen lau na tawh ki dim den a hih man in ki thau zo lo in ka pum gawm cip hi. Kei thuak na sang a haksa zaw a thuak mi tam pi om lai ding cih ka ngaih sut teh Numei gamdang paipai cih in Neu muh ngam huai vet lo hi.

Banghang in numei S’pore pai te gawng uh hiam cih khawng in ciam nuih ngam huai het lo hi. Amau te thuak na nang theih pih lo hi teh, tua a hih man Fb khawng ah numei gam dang paipai te bel cih in neu muh nawn kei un.

A mau innkuan pih te haksat na nang na vak pih hi lo hi. A mau te a ding in thu ngetsak zaw ni.

Aphoto amah ngiat hipah hi. Ama phalna ngah ka hihman in kongsuan a hihi. Suantuang Siamnu