Singapore aom innsung vanzuakna Furniture Shop khat meikanggawp
Singapore gamsung Upper East Coast Road lamzikpitung aom innsung vanzat tuamtuam akizuakna “Furniture Shop” meikanggawp cih Straits Times pan kiza hi. Tuni Saturday zingsanglam in meikang akipan hi ci’n Singapore Civil Defence Force (SCDF) te’nzong amauzat Facebook Page tungtawn in genkhia uhhi.
Singapore Civil Defence Force (SCDF) te pulakna ah zingsanglam 3:33am hunpawl in Furniture Shop meikang cih hongkizasak ci uhhi. Tuaciang in Emergency Vehicles bekbek akigawm in 11 leh meiphelhding Firefighters mi 35 te’n kidelhpah cihi.
Tawlkhat khitciangin tua Furniture Shop meikuangpen phelhthei uhhi. Akigawm in nai 2 sungbang abuaipih mahmahkhit uhciangin meikuang pen phelhtheipan uhhi.
Tuabangin meikuang aki phelhsiangtheih khitciangin tuavengsung aom Police leh SCDF te’n kihemkhiading in asawl khuasung mite amau innciat ah ki ciahsakkikpan hi.
Video: A fire engulfed a furniture shop at 135 Upper East Coast Road early Saturday morning (Feb 2). The Singapore Civil Defence Force (SCDF) said in a series of Facebook posts that it had been alerted to a fire at the furniture shop at 3.33am.
Hih meikatna ah akihelkha kum 68 aphakhin Mr Roysten Estrop kicipa in agenna ah zingsanglam 3:45am hunpawl in kazi in hongphong a, meikhugim namlua khauhlua mahmah ahih manin, ih innsung ah meikang khatpeuh omkha ahiam ci’n ka lunghimawh masa uh cihi. Atanu in tawlet honsa in koih ahih manin, tuapan in meikhu innsung ah lutgawp in, meikhu in innsung atuamcip ahihi.
Meikuang pen khauhlua, huaisialua mahmah ahih manin inndawl 4 dong bangah kuangto hanhan ciliang hi. Meikhu pen sahbengbang a, vom mengmang hi ci’n amukha te’n genkhia uhhi.
More: Singapore, Neil Road lampitung aom Coffee Shop khat meikang
Nungkum December khasung inzong Sungei Kadut vengsung aom Furniture Warehouse khat meikanggawp ngei hi. Tuahunlai inzong Emergency Vehicle 25 tak leh Firefighter mi 90 takin delhpah uh a, buaipih mahmahngei uhhi. Sawltak #zomidaily
Comment piaknop aomleh...