Pu Peter Khai Khen Mung (Suanghoih, Naulak, kum 70) sihvuina

Pu Peter Khai Khen Mung (Suanghoih, Naulak, kum 70) sihvuina

Pianna:
Pu Naulak beh khang 18 na Pa Khai Khen Mung, Tonzang gam Suanghoih khua ah Pu Tual Khan Thawng leh Pi Ciin Khan Don te sungpan 25 july 1946 ni in suak hi.

• Pianpih sanggam teng:
• Pu Tual Khan Thawng & Pi Ciin Khan Don’ tate
• 1) (Pa Khai Khen Mung) & Nu Cing Khua Lian
• 2) (Pa Thawng Khan Khai) & Nu Khua Za Cing
• 3) Nu Cin Khua Niang & (Pa Thang Cin Khup)
• 4) Nu Niang Gawh Cing & Rev. Vungh Khua Gin
• 5) (Pa Tun Khan Vum) & Nu Cing Za No

• Pu Tual Khan Thawng & Pi Luan Khua Ning’ tate
• 6) Pa Cin Khan Kap & Nu Ciin Don Man
• 7) Nu Ciin Deih Vung & Pa Langh Khua Suan
• 8) Nu Vung Khan Hat & Pa Vungh Khan Thang
• 9) Nu Go Sian Cing & Pa Pum Lian Thang
• 10) Pa Mang Mun Suai & Nu Zen Lun Niang
• 11) Nu Cing Deih San & Pa Thang Sian Pau

Zi neihna:
Pu Thawng Tun leh Pi Man Za Ciin te tanu Nu Cing Khua Lian tawh Suanghoih khua ah 4 April 1974 ni in kiteeng uhhi.

• Pasian’ piak tate:
• 1) Nu Don Gawh Lun & Pa Kap Za Thang
• 2) Pa Thawng Khan Sang & Nu Niang Lam Cing
• 3) Sr. Susana Ning Muan Niang
• 4) Nu Ciin Lawh Niang
• 5) Nu Niang Zuun Cing
• 6) Lia Tun Lam Cing
• 7) Pa Mung Muan Tuang & Nu Dim Dim
• 8) Tg. Mang En Kap

• Pilna zonna, Sangkahna:
• 1956 – 57 Suanghoih khua ah tan khat sim
• 1957 – 58 Mauvom khua ah tan nih sim
• 1958 – 60 Suangzang ah tan 3 – 4 dong
• 1960 – 62 Tuimui ah tan 5 – 6 dong
• 1962 – 66 Tedim ah tan 7 – 10 dong
• 1966 – 70 Mandalay University ah B.A zo

Sangkah sung pahtawina te:
Tan 7 kumin kumpi laivuan hi a, khamtung gambup (Chin State) ah a Khatna ngah in, tan 8 pan tan 10 dong Schoolarship Ks.30 ta kum 3 sung sang hi.
Mandalay University kah kum 4 sung Chin-Stipend (Chin State pan panpihna) ngah in, khakhat in Ks. 75 ta snagin, sangkah sung kikhom phial hi.

Kumpi nasepna:
1970 kumin Mandalay University pan B.A (Geo) zo in, 1971 kumin Cikha ah Private tan 7 sang phuan in kum khatsung Siapi sem hi.

• 1974 – 78 Tonzang District Council
• 1981 – 88 kum 8, Term 2 sung Kawlpi, Pinlong Hausapi sem
• 1973 – 74 kumin Tonzang SHS ah tan 10 sia (SAT) kumkhat sem

• Sumzonna leh teenna:
• 1970 kum BA zawh akipan kum 15 sungbang sum zongin, kumpi nasep tawmvei aseppak lohbuang semlo hi.
• 1974 kumin Kawlpi ah Taihinn khat lamin, 1979 kumin Kawlpi ah lal in teng uhhi.

Pasian nasepna sungah kihelna:

• 1980 kumin RC suakin St. Mary Biakinn ah lut hi.
• 1989 kum pan kum 7 sung St. Mary Church Council ah Secretary sem hi.
• 1991 kum pan 2 August 2011 ciang Siadaw huang Building Secretary sem hi.

Lungdam kohna leh Pahtawina:

• 4 January 2004 ni in Vok tuk 6 khat tawh Suanghoih pawi la hi.
• 1994 kumin Siadaw huang Building Secretary asepna panin Pope Pahtawina Laipi ngah hi.
• 29 May 2008 ni in Pope Pahtawina ngah leuleu hi.
• A tate (6) in Tan 10 ong in Degree ngahtek ahih manin Vok tuk 6 tawh lungdam kohna nei hi.
• 2000 kumin zi neihzawh kum 25 cin Silver Jubilee bawng 1 leh vok 1 tawh bawl hi.

Natna tawh kisai:
2013 kum akipan TB, Sin nat hong ngah a, Yangon ah zato 3 vei ki paipih hi. A nunung pen 28 February 2016 ni in Kawlpi zato ki paipih a, 29 February 2016 ni in hong nusia hi.