Malaysia, PJ ah Police te’n suaisai abuluh damiah mi 3 kaplum, adang 2 hingmat

Malaysia, PJ ah Police te’n suaisai abuluh damiah mi 3 kaplum, adang 2 hingmat

Malaysia, Selangor, Petaling Jaya vengsung aom Atria Shopping Gallery ah thaukikap piangin mi 3 kikaplum cih kiza hi. Tuni Friday (May 18) nitaklam in thupiang hi a, damiah pawlkhatin suangmanpha zuakna buluh in taisawm uh ahih manin Police tetawh akikap uh kici hi.

China Press te genkhiatna ah Damansara Jaya vengsung aom suangmanpha suai zuakna “Goldsmith Shop” ah damiah mi 5 te’n thautawi in buluh uh cihi. Tua Goldsmith Shop ah damiah alut hunpen tuni nitaklam 5pm hunpawl ahihi.

Tua suaizuakna Jewellery Shop panin damiah te pusuah khiathei uh a, ahi zongin Building apualam ah Police tetawh ki tuakkha in, thautawh kikap tuakpah uhhi.

Tuabangin thautawh damiah leh Police te akikaptuahna panin damiah mi 3 aphual ah kikaplum theipah a, adang damiah 2 tepen ahingin kimanthei hi.

Hihvai tawh kisai in Selangor Criminal Investigation Department (CID) chief senior assistant commissioner Fadzil Ahmat inzong damiah Robbery omin akikap hi ci’n Astro Awani News te tungah genkhia hi.

Tuabangin damiah te leh Police te akikapkhitdeuh, lamzikpi tungah damiah te asisa in atuk leulau laitak Video kizaihkha in, Social Media ah ki thehzakpah zihziah hi. Facebook ah aki khahkhia Video Clip tomnocip sungah damiah te 2 asisa in atuk leulau pen kitel mahmah a, agei ah Police hidingin aki ummawh te’n thautawh ngimvevalai uhhi.

Hih damiah te Goldsmith Shop sungah alutlaitak in ageinai ah aomkha Witness Sharmila Ganapathy in agenkhiatna ah nitaklam 5:15pm hunpawl in Ground Floor ah thauging tamveipi kiza hi ci’n genkhia hi.

Amahpen Technology Journalist khat hi a, adendeuh ciangin damiah te mi 2 akhut uh kol kibulhsak in Police te’n apaikhiatpih kamu hi. Adang damiah mi 3 tepen aphual ah kikaplum kici hi ci’n genkhia hi.

More: Myanmar, Myeik khuasung aom KBZ Bank ah thautawh damiah kitaih

Malaysia gamsung aom suangmanpha zuakna Jewellery Shop ah damiah te tamveipi thautawh lutin adeihteng luakkhia ziauziau uhhi. Abeisa in tuabangin damiah alutte akiman, aki kaplum cih ommello himahleh, tuni PJ Atria Shopping Gallery sungah abuluh damiah 5 te lakah 3 kikaplumpah in, ahingin 2 mankhia theipah uhhi. Sawltak #zomidaily