Pau Cin Hau in kua ahi hiam? ~ Hau Thang

Pau Cin Hau in kua ahi hiam? ~ Hau Thang

Khenkhatna:

1. 28 Dec 1859 kum in Pu Khan Lian leh Pi Cing Zam te sungpan Tediim khuapi ah suak pa hi.

2. 1876 kum in Pi Nuam Dim tungtawn in Pasian teel ding liim kilangh pa hi.

3. 1879 kum in Pasian tungpan thupiakna mangmuhna ngahpa hi.

4. 1888 kum in kum(15) sung kumzawmnatna kipan pa hi.

5. 1891 kum in dawi hawl khiatna ding thungah pa hi.

6. 1899 kum in Pasian piak lai ngah pa hi.

7. 1901 kum in lai bawl theikhin pa hi.

8. 1903 kum in sisan tawh kitatkhitna akullo kamtawh Pasian paaina hang in damna ngah pa hi.

9. 1904 kum in dawlbiakna Sisan tawh kitatkhiatna adeih Dawi hawl khiatna, Ganhing’ Mihing sisanluang sak biakna beisakna kipan pa hi.

10. 1908 kum in Pasian minphatna Sanginn lamhna ding thungah pa hi.

11. 1922 kum in Lailui khua pan Mualbeem khua ah kikhin pa hi.

12. 1931 kum in Zolai malgawm piangsak pa hi.

13. 28 Dec 1948 kum in Pasian gamnuam zuan kik pa hi.

Khen nihna:

1. Zomi te kampau ah Lai cih apiangsak leh akipatna pa ahihi.

2. Zomi te kampau ah Vanglian pa min Pasian cih alokhia masa leh kitheih cilna pa ahihi.

3. Pasian thu bu, M-1:3 tawh kizui in Pasian in Aw’ Pau Cin Hau nang in kongteel pa nahihi’ ci ahihman Pasian teel pa ahihi.

4. Pasian thu bu, M- 4:1 Pasian in Vantung gam en kawikawi in asawl pa hihi.

5. Pasian thu bu, M- 4:6 Pasian gamnuam leh Dawigam’ Vantung sung ah, aom ahih lam amu pa ahihi.

6. Pasian thu bu, M- 5:4 Sisan luang biakpiakna adeih Dawite tawh thuciam na kum(8) anei pa leh azo pa ahihi.

7.Pasian thu bu, M- 6:2 Pasian sawlbang in Leinuai khua ah’ Tuinuai ateeng Tunuai ukpi( kumpi) Dawi nupi amu pa ahihi.

8. Pasian thu bu, M- 7:4 Khamtungmi lak ah amasa penpen Pasian in Lai sin in asawl pa ahihi.

9. Pasian thu bu, M- 9:2 Vantung Pasian gam nuam ah a om Ngun inn pi leh Khamh inn pi mu pa ahihi.

10. Pasian thu bu, M- 11:4 Dawi hawlkhia ding in Pasian sawl pa ahihi.

11. Pasian thu bu, M- 15: 1 Kumzawm natna kum15 athuak pa leh sisanluan kullo kamtamm tawh Pasian paaina abawl masa pa leh damna angah masa pa ahihi.

12. Pasian thu bu, M-16: 1-17 Pasian in Leitungmite apiansakna leh kha tawh nuntakna aliimpi amuhsak leh amu pa ahihi.

13. Pasian thu bu, M- 17: 1-11 Biakna namkim in tui kizang in kiphum, kidiah,kinuh, kitheh mah ta leh Pasian piak tuisiang azang masa leh angah masa pa ahihi.

14.Pasian thu bu, M- 22: 2 Mitphiat khal sung vantungmi te thuvaihawm na leh kitheihsakna amu masa pa ahihi.

15. Pasian thu bu, M- 41:4 Pasian in Ka tapa aw ci ahih man Pasian tapa za angah masa pa ahihi.

16. Pasian thu bu, M- 44: 2 Vantung meingosung pan ataangsuk khuak in Pau Cin Hau kap suk in khuavak in atuam cip laitak in’ Pau Cin Hau in alungsim sung ah’ Vankuiciik Kapa kiang ah ciah ning ei’ ci ahih man in Pa leh tapa in Pasian leh Pau Cin Hau ahihi.

Tua man in leitung biakna nam 12 leh nih ah Vanglian namtuamtuam minlawhna kibanglo om tek a, Pau Cin Hau in avanglian pa, laipia pa, Dawi hawl khia in asawl pa, Vantung gam en kawikawi in sawl pa pen PASIAN ci ahihi. Tua man in vanglian pa min Pasian cih’ lai in nagelh kha aa, nakam in napau kha zong in Laipian misiangtho Pasian thuzui na hizo hi. Sisan tawh kitatkul lo damna nangah zo hi. Pasian minthangta hen! Hau Thang