Pasal te theihding ~ Job Cinpi

Pasal te theihding ~ Job Cinpi

Hih thu pen Numei te ading kipuahphat theih nading leh Pasal te adingin ki dophuai ahih manin, deihsakna tawh hong hawmsawn ka hihi. Zomi khangno te sungah hibang Numei na omkhak vua leh hong mudah pah sam kei unla, no tawh a kituak ding khop hong om veve lel ding hi.

1) Tangval nih a ngaikhawm thei te

Hih bang Numei te pen Zi dingin muanhuai lo uh hi. tangval (5) ciang bang khatkhit ‘khat tawh a ngai te sangin , tangval nih tawh a ngaikhawm thei te pen lauhaui zaw uh hi. kiteen khit ciangin dumde tawh kibang thei uh a, a nunglam uh meitangsak thei uh hi.

2) Sumzat na hang lua

Numei sumzat a hang luate pen Zi dingin naneih khak lohna dingin kidawm mahmah in. tua bang Numei te Zi-in naneih leh na khantawnin nasep /sila nasuak ding hi. na sumzon khempeuh zangtum mang dinga, a poi mahmah khat ah tuabang sumzat hang Numei te pen kamsiam hamtang sese uh a, Pasal te nakpheh bulh dan zong sinkullo in a siam sa uh ahi hi.

3) Innsung tawh a kilam lo te

A innah om ngeilo midangte inn nuamsa zaw ,pawisim ding cih te ah kihel nuam den ,khua sungah mi gensia a vakvak, Numei takpi a lawm /gual te kiang khawngah zantam thei ziauziau. Khuapi sungah club tuamtuamte ah pai den, kikhawm ciah leh inn zuan masa ngeilo lambang den, tua bang Numei te pen Pasal te gitloh nading ,a zonzon ahih manin, Zi-in nei zaw dah lel in.

4) A sinpha te

Sinpha cih ciangin kammal kilawm bek hi a, gilo cih ding hizaw hi. mihon lak ah mi tawh kitot ding phamawh a sa lo te, mi tawh kam kinial le niik a singten pah te, Numei hi napi kibawh kilai ding phamawh a sa lo te, Pasal naleng a laigamte tua bang Numei in nang hong mai zumsak dinga midangte lak ah na maimial mahmah ding hi.

5) Sum kitah uk te

Numei ahih hangin phekaap /bawlung kitah /chee /kitahna khat peuhpeuh a uk te, tua bang Numei te na teenpih le na luzang ah meiam a koih tawh na kibang lel ding hi.

6) A thadah numei

Numei thadah mahmah pawlkhat om hi. bangzah takin thadah hiam cihleh a niikten naleng a sawp nuamlo om mawk hi. pawlkhat te bangpen a sungten naleng sawp nuamlo om mawk hi. a poi mahmah thu khat ah, tua bang dan athadah te pen a mel khawng uh na hoih mahmah se uh ahih manin Pasal pawlkhat te in phamawh salo leuleu mawk uh hi. tua bang te Zi-in nei mawk lecin niik /sungten sawp siam ngel ding hiteh.

7) Numei sia

Numei sia cih ciangin Numei paktat ( Numei kizuak te) ahi hi. a paktatte in Pasal neilo ding cihna hilo a, Pasal te in kidop ding cihna hizaw hi. tua bang Numei te Zi-in nei lecin a tawntung in muang mawh den ding cin a, ta naneih ciangin nang hong sun keileh ,innkuan sung buaina nak takpi in hong piang ding hi. na tate in a Nu ding pen ,mi hoih mahmah khat deih ding hi cih pen nangaih sun ngei hiam? Job Cinpi