Palik khatin nupi nautawi lai asialtuksukna Video pen ki thehzakgawp
China gamsung ah Police te’n thu aki neihsakzia, khuasung mipi te a zawhthawhzia leh adiakdiak in nungsungteng Social Media ah aki thehzak nupi khatin nau atawilaitak asialtuksuk Police Officers te Video Clip hangin Chinese Netizens te hehmahmah uhhi.
Shanghai khuasung ah nungkal Friday ni in mawtaw koihkhialhna Parking Fine hangin nupi khatleh Police Officer khat kinialnial uhhi. Tualaitak ageinai panin amukha te’n Video nazaih uh a, Social Media tungah na lawnkhiapah uhhi.
China pen kumpi thunei te thuneihna alianmahmah “authoritarian state” in aki ciamteh hi a, ahi zongin khuasung kongzing ah avakkawikawi Police Officers tepen kizahtaklua tuanlo hi. Adiakdiak in Traffic Fines vaitawh kisai in kinialna tammahmah cihi.
Hih abeisa kalsung in Video akizaihkha, Second 22 bekbek asawt Video sungah Police Officers te’n khuasung mipi te adopbawlloh ziapen kilang mahmah ahih manin, khuasung mipi tezong aphunpah ziahziah uh ahihi.
Video sungah nupi nautawi khat leh Police Office khat kinialnial uhhi. Anunung ciangin Police Officer pa’n tua nupi nautawipen thakhatthu in leilak ah sialpaisuk in, a awngsung ah atawi atano bang ki lawngkhialau lianghi.
Agei aom palik mawtaw sungpanin Police Officer khat hong kumbeh sawnsawn a, Police Officer nihtak in tua numei pen atungpanin nencipmawk uhhi.
A nautawi pen alu tawh leilak ki satsuklodeuh a, kisatkha peuhmahleh alubang kitamphialding a, nuntak omnawnlo khading hi. Ageinai panin amukha te’n atanau hehpihhuaisa in naphongto uh a, nakepsak zawzen uhhi.
Video: Video of cop slamming woman, baby to ground enrages China
Hih Video amukhapeuh in Police Officers temah mawhsakzaw uhhi. Naungek pen alauhuai mahmah dinmun ah koih uhhi “chld at risk of serious injury” ci’n ki mawhsakciat hi.
Shanghai City’s Bureau of Public Security te’n hih buaina pen Songjiang District sungah Friday 10:30am hunpawl in thupiang hi ci uh a, hihvai hangin tua nupinu asialtuksuk Police Officer pen anasep panin khawlsakphot uh cihi.
Related: China ah Uisa zuakpawi kipankik leuleu
Netizens pawlkhatte’n nautawi nupinu inzong Police Officers te nialkik sesedahleh acizong om uh a, ahi zongin atamzaw in nautawilai nupilawmlawm asialtuksuk uh ci’n Police Officers temah mawhsakzaw uhhi. Nang e, kua nagum zawtam? Sawltak #zomidaily
Comment piaknop aomleh...