Nuntakna sungah zuihhuai thu 10

Nuntakna sungah zuihhuai thu 10

1. Kua ma kiangah sum leitawi la kei in.

Sik ciang a piapan te mi hai.
Sumsikloh a a lohkikte mipil.
Siksik napi a a a pialo te mi gilo.
Tua a hihmanin midangte kiangah a hihtheihaiteng sum leitawi la ngei kei in.

2. Gentheih hun a ding sumkhol in.

Banghun in haksatna, damlohna leh sum kisapvatna hong tungding cih na theikei hi. Tua hun adingin tuni sum tawm le tam le khol kipan ta in.

3. Nang hong deihlo te a ding na hun mawkzat kei in.

Nang hong mudah te, hong itlo te, hong kin ngeilo te a’dingin na hun mawkbeisak kei in. Tua te nasep, tua te kampau, tua te gamtatna te ngaihsutsutsak kei in.

4. Khat veivei gilo lel in.

Nang tungah hong gilo te tungah diksawm den kei in. Mi na nuihsat le hong nuihsan ding a, a sawtlo in hong lehnek nuam ding uh hi. Tua a hihmanin nang tungah hong gilo den mite tungah diksawmden kei in.

5. Na ngimna kibanpih te tawh kampau khawm in.

Na ngimna kibanpih mite tawh kamtampi pau in. Tua hileh na hun a beilam na theihohkal in hong bei zalzal ding hi. Na lung hong nuam mahmah ding a, pilna leh ngaihsutna thak tampi na ngah ding hi.

6. Hun na ngahsim in khualzin in.

Khualzinna in na lungsim hong vanzangsak mahmah ding hi. Na innkuan sung a noploh hun ciang nangawn in, innpan paikhia in na innkuan un vakkhia le uhcin lungdamna, lungkimna na ngah ding uh hi.

7. Nop na saklohna mun pan paikhia in.

Laisungah ‘singkung hilo na hihmanin nop nasaklohna mun pan in tuni paikhia in’ ci hi. Tuni na omna, na nasepna nuam nasak kei leh mundangah pai khia in. Nuam nasakna mun ah pai photphot in.

8. Midangte muhna pan muhtheih ding hanciam in.

Midangte tawh kitot, ki hehsuah pen a hitheithu mah a hihi. Ahizongin ‘a mah hileng ken ka bangci khatam?, a ma mun ah kei a om hileng’ ci in ngaihsut siam ding kisam mahmah hi. Mikhempeuh tawh muhna kibangtheilo mah hi. Ahizongin mi khempeuh pan mun ah na lungsim koihtheih sawm in.

9. Laibu tampi sim in.

Lai tampi a sim minam khangto a, a khangtolo minampen laisimlo minam kici thei hi. Tuni pan laibu lei inla hun na ngahsim in laisim in. Na theihlohkal in na nuntakdan hong kilamdang ding hi.

10. Thu khatpeuhpeuh sin den in.

Gamkhangto na te ah pitek putek te nangawn in minamdangte’ pau sinlai uh hi. Moi suah in, cidam in, lungdam in, lawpna tawh nisim na nuntak nopleh na khatpeuhpeuh hanciamtak in sin tentan in.

Hih thu 10 tawh kituak nuntak zawh nading na hanciam in. Siamsin Library