Penang ah nikhatsung in mun 3 ah mawtaw meikang kawikawi
Malaysia, Penang sungah zanni nikhatsung in mun 3 ah mawtaw meikang kawikawi ahih manin, Penang Fire and Rescue Department te buaimahmah uh cih theStar pan kiza hi. Akibanglo mun 3 ah mawtaw meikat pen nikhatsung, nai 8 hunsungin thupiang ahihi.
Amasa penin zanni zingsanglam 2am hunpawl in Jalan Lama Bukit Tengah, Bukit Mertajam tungah mawtaw khat tuahsia hi. Sumbawl numei Buninesswoman khatin ahawl mawtaw hi a, akibut khitciangin a mawtaw meikanggawp in, amahzong sisuak hi.
Fire department spokesman Mohd Azman Hussin in agenkhiatna ah 2am hunpawl in atuahsia hi a, mawtaw ki lumlet in, meikuang ziahziah cihi.
Meiphelhding in Firefighter mi 6 in delhpah uh a, mawtaw meikuang aphelhkhit uhciangin asungpan in numeinu honkhia, kaikhia theipan uhhi. Bukit Mertajam Hospital kipuak himahleh zato panin Medical Officer te’n sipah hi ci’n genkhia uhhi.
Central Seberang Prai OCPD Asst Comm Nik Ros Azhan Nik Abdul Hamid ii genkhiatna ah tua mawtawhawl numei pen amin Tan Meng Ai ci a, lamzikpi kikal adalna Concrete Divider taihkha in amawtaw ki lumlet cihi.
Lamzikpi alanglam ah kilawnphei in, kilumlet a, meikuang sawnsawn cihi. Mawtaw ahawlnu pen meikatna hangin asi hiloding a, mawtaw akibutna hangin kitatkha in asi hiding ci uhhi.
A luanghawm pen Seberang Jaya Hospital ah Postmortem bawlding in puaksak uhhi.
Anihna mawtaw tuahsiatna pen Penang Turf Club geinai aom Jalan Scotland lamziktungah ahihi. Mawtaw khat meikuanggawp ahih manin zingsang 7:05am hunpawl in Firefighter te’n meiphelhding in delhpah ngeingai uh cihi.
Firefighter te’n naikhat sawtlo in phelhsiangthei uh a, hih mawtaw meikatna ah kuamah asi aliam omlo cihi.
Related: Penang ah Kawlgammi khat Wire khau in a ngawng zuttan in sipah
Athumna mawtaw meikuang tuahsiatna pen Penang Bridge tungah ahihi. Patau meikang aom ciangin Firefighter te kizasakpah a, 9:40am hunpawl aki zaksak khitphet in meiphelhding in mi 12 in delhpah uhhi.
Mawtaw pen meikangtum in ahi zongin ahawlpa pen ki hemkhiaman ahih manin, aliam asi kuamah omlo cih kiza hi. Sawltak #zomidaily
Comment piaknop aomleh...