Na RSD, UNHCR vai hoihtak kiging in

Na RSD, UNHCR vai hoihtak kiging in

Gambel galtai mikhat a hong ki ciapteh nadingin a thupi mahmah leh kal masa ahi Refugee Status Determination (RSD) cih pen UNHCR tawh na kizopna ah athupipen khat a hih lam khatvei ih kiphawk kiksak hi.

Adiak in Malaysia a om 2013 Card te RSD interview appointment na ngah a kipan limtak a na tangthu na etphat nading ih kitheisak hi. Banghang hiam cihleh gambel galtai khat a santak/pomtak dinghiam cih sittelna ahih manin a hun nangah lai in kiking khol in.

Na theihlohna sangin na kin lohna in na maban tampi hong khaktan ahih manin na masak dingte nunun keizaw in. eg. Card na neih naikei leh innnuai na tuah sukpak na ngawn zong a lauhuai hi, Palik/ Malaysia Pu ten Malaysia nong paina ahang hong dot ciang nadawnna pen gambel khat ading santak/ pom tak ahih kei leh tua na kampan apusuak kammal in UNHCR/ USA/ Australia hong tut zawh kei leh kawlgam hong tun ding a hih man in tu a na kampau leh natot lampi koi a tawp ding cih khinkhai sa in nungta hi.

Tuni na sepna in zingciang a na siksan ding hipah ahih manin a mawk na cihbang omlo in a thupi vive hi den hi. Tuni tuhun pen na nuntakna ah a thupipen a hihman in thupi nasakpen mah sepna ding nahun pia in. Tu mahmah a na hun nai 1 pen zingciang hong tungding nai 24 sang manpha zaw cih phawk in.

RSD/UNHCR te thudotna na zawh kei leh bangzahta in hehpih huai dinmun natun hang UNHCR te lampi na tawn thei ngei kei ding hi. Lungdam! A telsiam ding Topa thupha hong pia hen.

RSD LEH AUSSIE EMBASSY AH VAI NA NEIH LEH

RSD leh Aussie embassy ah vai na neih leh ZAM zum ah hong pai masa in. Gambel galtai mikhat a hong ki ciapteh nadingin a thupi mahmah leh kal masa ahi Refugee Status Determination (RSD) cih pen UNHCR tawh na kizopna ah athupi pen khat a hih lam khatvei ih kiphawk kiksak hi.

Adiak in Malaysia a om 2013 Card te RSD interview appointment na ngah a kipan limtak a na tangthu na etphat na ding ih kitheisak hi. Banghang hiam cihleh gambel galtai khat a santak/ pomtak dinghiam cih sittelna a hihman in a hun nangah lai in kiking khol in.

Na theihloh na sangin na kinlohna in na maban tampi hong khaktan ahih manin na masak dingte nunun keizaw in.

UNHCR pan in laidal pi a ngah te in na laidal uh copy khat ta na kem hamtang un.

More: RSD / UNHCR leh Galtai makaite Meeting kinei (March 24)

AUSSIE EMBASSY na lut ding appointment na ngah ciang in bangteng kiging ding a, bang teng tam dot pen cih leh nang tangthu te hoih tak kiging khol in.

RSD INTERVIEW KIKHAK DING

16 April 2018 ni pan kipan in RSD interview te kha (2) sung kikhak phot ding cih thu kiza hi.