Moses laiat alang i thusim (The Haftorah Mystery)

Moses laiat alang i thusim (The Haftorah Mystery)

Ka siapa in, tuni, laibu sal om na ah ong paipih a, tua sung ah, nidanglai a ki at laizialte a ki koihcipna sual ki dawh tung ong paipih hi. “Sabbath hun ong tun kalsim in, Jewmi te ki kaihkhopna mun Synagogue te ah Prophet te laiat leh Moses lai at Torah bu te ki sim ngekngek den hi.Tua bang in a kisim ciangin, Prophet te lai at te pen Torah i alang (HafTorah) ki ci in, amau a pen tawm bang atang sau zaw deuh hi.”

“Hih bangin a sim uh bang tan vei bang hi khin zo a hia leh sia aw? ka ci hi. “Tanglai pek hi khin zo e” ong ci hi. Tua kawm in alai zial te sungah azon khat amuh dong in, a en hi.

“Kum tulnih sungbang, Jew mite pen a saltan na pan un a suahtak khit uh teh leitung munkhempeuhah ki thehthang uh a pai kawikawi uh hi.Pasian kammal in kamciam sa aneih bangin, amau tepen hun tawp lam teh agam uh ah ong kaikhawm ding uh hi cih thu hi.

Hih thu ong tangtungin, 1948,May kha 15 ni in Israel gam ong ki phong kik hi.Kum tulnih avakthapna uh pen ahun ong cingta hi. Tua aki phot kik ni 1948,May15 lian pen amau a dingin a sabbath ni uh hi. A deihna pen leitung bup a om Jew mite nikhat ni teh agam uh ngah kik ding cih kammalte pen tangtuang pek a, synagogue ah simding in a ki gel khol sa hi.”

“Tua kammal pen bang a hia?” “Tua kammal pen Amos sung pan hi.” siapa in akhut me tawh a Hebrews laite kawk kawm in, mal khat khit khat ong sim khia hi. “Tuaciangin, inn tawh kibangin, a sisa David ukna gam kei mah in, ka puah kik dinga, a vangteng hu in,a siateng ka puah kik dinga, nidang a a ngeina lui mah uh ka bang sak kik ding hi. Tua ciangin Israel mite in, Edom gam aom lai teng leh, kei ma mi ahi ngei minam khem peuh, zo in ngah kik ding uh hi,Topa in ci hi.

Topa in hih bangin ci hi, “An a ki hauh luat manin, an lak a kizawh ma in, lo khawh kik hun tungin, lenggah te lenggah zu abawl aki zawh ma in, a suan kik hun ong tung ding, hun nuam ong tung ta ding hi. Muallian khempeuh pan in, lenggah zu khum ong tak khia in, mualneu khempeuh tungah lengah zu aluang ding hi.

Ka mi Israel te,amau gam ka tun kik ding a,aki sia khuapi te uh, hoihtak in lam pha kik in, a sungah a teng ding uh hi.Amau te in lengui suanin, huanbawl in a sunga a piangte a ne ding uh hi.Amau te a dingin,ka piak gam sungah, a maute ka koih ding a,Tua ka piaksa gampan in,kua mah in amau te lakhia kik nonlo ding hi , Topa note Pasian in ci hi,” aci hi.”

“HIh thute pen tanglai pek a Israel mite Pasian in a kaihkhop kik ding thu pen leitung bup uh ah a ki thehthang lai pek in, hih thu pen kaalsim in a Sabbath ni un, a kisim sak den thu hi. Hih thu ong tangtung hi.Hih thu na zak teh bang ci in na ngaihsun a?”

“Pasian kammal pen man in dik hi ka ci a, thupiang na te tawh ki sailo, tangthu sang in zong khauhpai zaw sa ingh.”

“Tua lian ai ve.” Siapa in a cih khit teh, “Tua ahih man in, Pasian kammal na sim teh muang inla, ong kamciamna ong tangtung ding hi cih um in. A kipat cil in thupha ong ki pia sa mah bangin, … atawpna teh ong tangtung taktak ding hi.”

The mission: Pasian kammal sung pan nang a ding mun khat ai tuam lak in la,tu ni a ding khop kal suan in. Banghun in picin na leh tangtun na ong pai ding cih Pasian mai zongin la ngak ih. Psalm 18:30; Amos 9:11-15;2 Timothy 3:16 | Jonathan Cahn Day 67 | Dim Lun Zam