Malaysia TEKS1M Taxi te a saapman kiamding

Malaysia TEKS1M Taxi te a saapman kiamding

Malaysia gamsung ah High Class zawdeuh in akizang Teksi 1Malaysia (TEKS1M) te asaapman pen maikha akipan kiamsakding uh a, Budget Taxi tetawh kibatsaksawm cih theSun Daily in genkhia hi.

Land Public Transport Commission (SPAD) pan in Chief Executive Officer khat ii genkhiatna ah TEKS1M te ii asaapman pen adang Budget Taxi tetawh etkak in kiamsakding kivaihawm cihi.

Tulaitak TEKS1M tepen ihtuanlim in Flagfall Rate RM4 tawh kipansak uh a, 200 Meter apaisim in RM0.30 ta khangsak uhhi. Budget Taxi te ahihleh ihtuanlim in Flagfall Rate RM3 tawh kipansak uh a, 200 Meter apaisim in RM0.20 ta khangsak uhhi. Tampi akikhailo tawh akibat hangin gamlapi paileng hongki khaito vatvat veve hi.

Atung a Rate pen agamlatna tawh kizui in alak uh hi a, tuaban ah ahunzui Time-based Charge zong omsaklai uhhi. Time-based Charge tawh alak uhpen Budget Taxi te ahihleh Second 36 aziakaisim in RM0.25 ta la uh a, TEKS1M te ahihleh Second 36 aziakaisim in RM0.30 ta la uhhi.

Tuaban ah TEKS1M Taxi athakte pen abeisa in azat uh Gold & Brown Color te zangnawnloding uh a, maikha akipan TEKS1M Taxi athak khempeuh Red & White Color tawh laihding uh cihi.

Budget Taxi te ahihleh angei mahbang in Yellow, Red, White, Green cihbang in azatngei Color te zangsuakding uh cih kiza hi. ZD Sawltak #zomidaily