Malaysia, Sabah ah Hotel khatleh Shophouse 4 meikanggawp

Malaysia, Sabah ah Hotel khatleh Shophouse 4 meikanggawp

Malaysia, Sabah State sung ah tuzingsang in Hotel khatleh manzuakna Shophouse 4 tak mei kanggawp cih theStar pan kiza hi.

Sabah Fire and Rescue Services Department operations centre chief Khatizah Rahaban in agenkhiatna ah zingsang 4:50am hunpawl in Sabah, Tawau sungah mei akanggawp ahihi ci’n genkhia hi.

Hotel khatleh Shophouse 4 akigawm in inn 5 bang akanggawp hi a, ahi zongin mihing asi aliam kuamah omkhalo hi. Meikat laitak Video kizaihkha in, meikuang pen khauhmahmah a, innkhatkhit innkhat kilawh ziahziah hi.

Firefighter te genna ah meikuang pen ageinai aom vanzuakna Stall khatpan in akipan hiding in ki ummawh ci a, tuapan in Shophouse te leh Hotel dongah akilawhphei cihi.

Meikatna munah Firefighter te akizaksakzawh Minute khatsung in tungpah uhhi. Ahi zongin tuavengsung tengah tui hoihtak pailo, Water Pressure tawmlua ahih manin, meiphelhding pen hamsa mahmah hi.

Video: Large blaze razes Tawau shophouses, stalls; nearby hotel under threat

Tua meikat gawpna tawh akizomphei in Shophouse 7 aomlai hi a, tui hamsat kawmkal ah akilawhphei lohding in Firefighters te’n dalzo uh cihi.

Firefighter te’n tui hamsatna atuah ciangin Water Department te kisam in, tuibekbek Water Tanker tawh kipuaksak uhhi.

Related: Iran innsang mahmahkhat meikangin kicim, Firefighter mi 30 sikhin

Meikuang pen huaisia mahmah in, zingsang 7:23am hunciang in ki phelhsiangzopan cih kiza hi. Tusungteng Malaysia gamsung ah meikang, innkang kilimzak kinawhzak mahmah hi. Sawltak #zomidaily